काठमाडौँ, मङ्सिर ६ गते । राष्ट्रिय प्रजातन्त्र पार्टी (राप्रपा) की सांसद खुश्बु ओलीले हिन्दु राष्ट्र स्थापनाका लागि सडक र सदन दुवैबाट आवाज उठाउनुपर्ने बताउनुभएको छ ।
नेपाल सनातन धर्म संस्कृति संगठनको दोस्रो केन्द्रीय महाधिवेशनको उद्घाटन कार्यक्रममा बोल्दै उहाँले धार्मिक गुरुहरूले पनि राजनीतिक दलका नेताहरूलाई दबाब दिनुपर्ने र मठ-मन्दिरमा आउने नेताहरूलाई “हाम्रो हिन्दु राष्ट्र खोइ ?” भनेर प्रश्न गर्नुपर्ने धारणा राख्नुभयो ।
हिन्दु समुदायका पक्षमा आवाज उठाउन नसक्दा सनातनी समुदायको विश्वास गुम्दै गएको उल्लेख गर्दै सांसद ओलीले गौ-हत्या, गौ-तस्करी र हिन्दु समुदायमाथि हुने हिंसाका घटनामा धार्मिक संगठनहरू सडकमा उत्रिएर विरोध गर्नुपर्नेमा जोड दिनुभयो । छठको साँझ घाट भत्काइएको घटनाप्रति सत्तारूढ तथा प्रतिपक्षका शीर्ष नेता र गुरुवर्गले प्रश्न नगरेको भन्दै उहाँले असन्तुष्टि जनाउनुभयो ।
सनातनी समुदायको विश्वास जोगाउन हिन्दुहरूको पक्षमा स्पष्ट रूपमा उभिनुपर्ने र गौ-हत्या, गौ-तस्करी तथा हत्या–हिंसाविरुद्ध खुलेर सडकमा आउनुपर्ने उहाँको भनाइ थियो ।
हिन्दु राष्ट्र स्थापनाका लागि राप्रपाले संसद्मा आवाज उठाइरहने र धार्मिक गुरुहरूले सदनबाहिरबाट सहयोग गर्नुपर्ने अपिल गर्दै सांसद ओलीले वर्तमान समयमै हिन्दु राष्ट्र स्थापनाको अभियानलाई अघि बढाउनुपर्ने बताउनुभयो ।
| विषय / क्षेत्र | मुख्य विवरण वा धारणा |
| हिन्दु राष्ट्रको अभियान | सडक र सदन दुवैबाट आवाज उठाउनुपर्ने; मठमन्दिर आउने नेतालाई गुरुवर्गले ‘हाम्रो हिन्दु राष्ट्र खोइ ?’ भनी प्रश्न गर्नुपर्ने । |
| विश्वास र विरोधको माग | सनातनी समुदायको विश्वास गुम्दै गएको टिप्पणी; गौहत्या, गौतस्करी र हिन्दुमाथिको हिंसाविरुद्ध सडकमा उत्रिनुपर्ने जोड । |
| छठ घाट घटनामा असन्तुष्टि | छठका बेला घाट भत्काइँदा शीर्ष नेता र गुरुवर्ग मौन रहेको भन्दै असन्तुष्टि व्यक्त । |
| सदन र सडकको भूमिका | राप्रपाले संसद्मा आवाज उठाउने र धार्मिक गुरुहरूले बाहिरबाट साथ दिनुपर्ने सांसद ओलीको अपिल । |
What if you could work from Anywhere?
Explore More with something that can change your Life!














प्रतिक्रिया दिनुहोस्