काठमाडौँ, मङ्सिर ६ गते । स्वरसम्राट् नारायणगोपालको स्मृतिमा ‘नझरेका फूलहरू’ ले मङ्सिर महिनाभर विभिन्न साहित्यिक तथा साङ्गीतिक कार्यक्रम आयोजना गरेको छ । स्मृति दिवस मङ्सिर १९ गते परे पनि यसपटक महिनाभर नै कार्यक्रम सञ्चालन गर्न लागिएको आयोजक समितिका केपी घिमिरेले जानकारी दिनुभयो ।
कार्यक्रम अन्तर्गत पहिलो शनिबार धनकुटाका कवि मुकुन्द प्रयासले एक दर्जन कविता वाचन गरी नारायणगोपाललाई स्मरण गर्नुभएको थियो भने सुरुवातमा गायिका भूमा अधिकारीले ‘झरेको पातझैँ भयो’ र ‘तिमीले भनेका सारा देव छोएर’ बोलका दुई गीत प्रस्तुत गर्नुभएको थियो ।
प्रतिनिधिसभा सदस्य प्रेमलाल चौधरीको प्रमुख आतिथ्यतामा ‘शब्दाञ्जलि’ नाम दिइएको उक्त कार्यक्रममा जेबी थुलुङ, तिला लेकाली, बद्री भिखारी, किरण टी. लिम्बू, सञ्जीव धिमाल, नवीन थापा, यादव भट्टराई, दीपक नेउपाने, प्रकाश दिप्साली राई, कविता पाँचकोटी, मोहन तिम्सिना, हिरा खड्का, युवराज ठकुरी, विदुर सुवेदी, केशु बिरही र आरके प्रधान लगायत स्रष्टाहरूको सहभागिता रहेको थियो ।
सुन्दरहरैँचाका समाजसेवी विवेक नेउपानेको अध्यक्षता र नवराज नवशिलाको सञ्चालनमा सम्पन्न कार्यक्रममा गीतकार सुरेशकुमार श्रेष्ठले स्वागत मन्तव्य राख्नुभएको थियो भने आगामी शनिबार कवि तथा प्राज्ञ रोशन परियारले कविता वाचन गर्ने आयोजकले जनाएको छ ।
| विषय / पक्ष | मुख्य विवरण वा सार |
| आयोजना र अवधि | ‘नझरेका फूलहरू’ द्वारा नारायणगोपालको स्मृतिमा मङ्सिर महिनाभर साहित्यिक तथा साङ्गीतिक कार्यक्रम (स्मृति दिवस मङ्सिर १९) । |
| पहिलो शनिबारको प्रस्तुति | कवि मुकुन्द प्रयासको एक दर्जन कविता वाचन तथा गायिका भूमा अधिकारीका दुई गीतको साङ्गीतिक प्रस्तुति । |
| सहभागिता र नेतृत्व | प्रमुख अतिथि प्रेमलाल चौधरी; सभापतित्व विवेक नेउपाने, सञ्चालन नवराज नवशिला, स्वागत सुरेशकुमार श्रेष्ठ र विभिन्न स्रष्टाको उपस्थिति । |
| आगामी कार्यक्रम | आगामी शनिबार धनकुटाका कवि तथा प्राज्ञ रोशन परियारको कविता वाचन रहने आयोजक केपी घिमिरेको जानकारी । |
What if you could work from Anywhere?
Explore More with something that can change your Life!










प्रतिक्रिया दिनुहोस्