नेप्से परिसूचकमा बुधबार पनि गिरावट: अर्थ मन्त्रालयको २१ बुँदे कार्ययोजनाले पनि बढाएन लगानीकर्ताको मनोबल

काठमाडौँ, असोज १४ गते । सेयर बजार परिसूचक (नेप्से) घट्ने क्रमले बुधबार पनि निरन्तरता पाएको छ। मङ्गलबार ९ अङ्कले घटेको नेप्से सूचक बुधबार थप ४.८२ अङ्कले घटेर बजारमा मन्दी कायम रहेको छ।

सेयर बजारमा सुधार ल्याउन अर्थ मन्त्रालयले हालै सार्वजनिक गरेको २१ बुँदे ‘सेयर बजार सुधार कार्ययोजना’ ले पनि लगानीकर्ताको मनोबल बढाउन सकेको छैन। परिसूचकसँगै कारोबार रकममा पनि गिरावट आएको छ। मङ्गलबार ५ अर्ब ३८ करोड रुपियाँ बराबरको सेयर कारोबार भएकोमा बुधबार कारोबार रकम ४ अर्ब ७६ करोड रुपियाँमा सीमित भएको छ।

बुधबार नेप्सेमा कुल १०९ कम्पनीको सेयर मूल्य बढेको छ भने १५७ कम्पनीको सेयर मूल्य घटेको छ। साथै १३ कम्पनीको सेयर मूल्य स्थिर रहेको छ। कारोबार भएका कम्पनीहरूमध्ये सिन्धु विकास बैंकका सेयरधनीले सबैभन्दा धेरै कमाएका छन्; जसको सेयर मूल्य प्रतिकित्ता १४.३७ प्रतिशतले बढेको छ।

समूहगत परिसूचकतर्फ बैंकिङ, विकास बैंक, वित्त, होटल, लगानी, जीवन बीमा, उत्पादनमूलक, लघुवित्त, निर्जीवन बीमा र अन्य समूह घटेका छन्। अर्कोतर्फ व्यापार, सामूहिक लगानी कोष र जलविद्युत् समूहका परिसूचकमा भने सामान्य सुधार देखिएको छ।

Top Gainers (शीर्ष कमाउने कम्पनीहरू)

Top Losers (शीर्ष गुमाउने कम्पनीहरू)

नोट: आज नेप्से परिसूचक ४.८२ अङ्कले घटेर २५९८.८९ को बिन्दुमा बन्द भएको छ भने कुल रु. ४ अर्ब ७६ करोड बराबरको सेयर कारोबार भएको छ।