‘हनी ट्र्याप’मा पारेर ब्ल्याकमेलिङ गर्ने महिला पक्राउ: डर-धम्की दिई नगद असुल गरेको आरोप

बाँके, असोज १२ गते । प्रेम तथा शारीरिक सम्बन्धको जालमा पारेर धम्क्याउँदै पैसा असुल गरेको आरोपमा बाँके प्रहरीले रामेछाप घर भई काठमाडौँ बस्ने ३० वर्षीया सविता श्रेष्ठलाई पक्राउ गरेको छ।

जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक (डिएसपी) प्रतितसिंह राठौरका अनुसार श्रेष्ठले बाँके बैजनाथका ३२ वर्षीय पुरुषलाई झूटा मुद्दामा फसाइदिने भन्दै डर र धम्की देखाएर पटक-पटक नगद तथा जिन्सी सामान असुल गरेकी थिइन्।

पीडितको उजुरीपछि असोज ५ गते पक्राउ परेकी श्रेष्ठमाथि थप अनुसन्धान भइरहेको छ।

प्रहरीले पछिल्लो समय प्रेम तथा सम्बन्धको बहानामा अपरिचित व्यक्तिहरूसँग नजिकिएर आर्थिक लाभ लिने, ब्ल्याकमेलिङ गर्ने तथा धम्क्याउनेजस्ता ‘हनी ट्र्याप‘का घटनाहरू बढ्न थालेकाले यस्ता विषयमा उच्च सावधानी अपनाउन सर्वसाधारणलाई विशेष आग्रह गरेको छ।