पोखरा अन्तर्राष्ट्रिय विमानस्थलमा फ्लाई दुबईको नियमित उडान सुरु: पोखरेलीका लागि गौरवको क्षण

लेखनाथ, असोज ७ गते । पोखरा अन्तर्राष्ट्रिय विमानस्थलबाट अन्ततः नियमित अन्तर्राष्ट्रिय उडान सुरु भएको छ।

अन्तर्राष्ट्रिय वायुसेवा कम्पनी ‘फ्लाई दुबई’को जहाज बुधबार साँझ पौने ६ बजे (सवा ६ बजेतिर) ११३ जना यात्रु लिएर पोखरा विमानस्थलमा सफलतापुर्वक अवतरण गरेको छ। यो उडानसँगै लामो समयदेखि नियमित अन्तर्राष्ट्रिय सेवाको पर्खाइमा रहेको पोखरा विमानस्थलमा नयाँ उत्साह छाएको छ।

पहिलो उडानबाट आएका यात्रुहरूलाई पोखरा महानगरपालिकाका प्रमुख धनराज आचार्य र स्थानीय पर्यटन व्यवसायीहरूले भव्य स्वागत गरेका छन्। सोही जहाज १५३ जना यात्रु बोकेर सवा ७ बजे आफ्नो गन्तव्यतर्फ प्रस्थान गरेको विमानस्थलका सूचना अधिकारी विनोदसिंह रावतले जानकारी दिनुभयो। महानगर प्रमुख आचार्यले पोखराबाट अन्तर्राष्ट्रिय उडान हुनु सबै पोखरेलीका लागि खुशी र गौरवको क्षण भएको बताउनुभयो।

फ्लाई दुबईको नियमित उडानलाई लक्षित गर्दै पोखराका होटल तथा रेस्टुरेन्ट व्यवसायीहरूले पर्यटक तथा यात्रुहरूका लागि विभिन्न विशेष छुट योजनाहरू सार्वजनिक गरेका छन्। पर्यटन व्यवसायीहरूले यस उडानले पोखराको पर्यटन क्षेत्रमा ठूलो योगदान पुऱ्याउने र आगामी दिनमा यो उडान दैनिक रूपमा सञ्चालन हुने विश्वास व्यक्त गरेका छन्।

सन् २०२३ जनवरी १ (२०७९ पुस १७) मा उद्घाटन भएको पोखरा अन्तर्राष्ट्रिय विमानस्थलबाट आन्तरिक उडानहरू निरन्तर भइरहे पनि नियमित अन्तर्राष्ट्रिय उडान हुन सकेको थिएन। फ्लाई दुबईको यस पहिलो व्यावसायिक उडानले पोखरालाई सिधै अन्तर्राष्ट्रिय सञ्जालसँग जोड्न महत्त्वपूर्ण भूमिका खेलेको छ।

फ्लाई दुबईको पोखरा उडानसम्बन्धी मुख्य विवरण