नेपालगन्जमा प्रहरीको ठुलो अपरेसन: होटल म्याक्सबाट अनलाइन जुवा खेलाउने ४२ जना पक्राउ!

नेपालगन्ज, असोज ७ गते । बाँकेको कोहलपुर स्थित होटल म्याक्समा ठुलो परिमाणमा अनलाइन जुवा भइरहेको सूचनाका आधारमा प्रहरीले छापा मारेर ४२ जनालाई नियन्त्रणमा लिएको छ। जिल्ला प्रहरी कार्यालय बाँकेको टोलीले मङ्गलबार राति करिब आठ बजे छापा मारेर उनीहरूलाई पक्राउ गरेको हो।

पक्राउ पर्नेहरूमा ४० जना भारतीय नागरिक र २ जना नेपाली नागरिक रहेको बाँकेका सूचना अधिकारी प्रहरी नायव उपरीक्षक प्रतित सिंह राठौरले जानकारी दिनुभयो। प्रारम्भिक अनुसन्धानका क्रममा उनीहरू अनलाइन सट्टेबाजी (ब्याटिङ) मा सङ्ग्न रहेको पुष्टि भएको छ।

प्रहरीले जुवा स्थलबाट २८ वटा ल्यापटप र ७८ वटा मोबाइल फोनका साथै अन्य विभिन्न विद्युतीय उपकरणहरू बरामद गरेको छ। पक्राउ परेका व्यक्तिहरू र बरामद गरिएका सामग्रीहरूबारे थप सूक्ष्म अनुसन्धान भइरहेको प्रहरीले जनाएको छ।

पछिल्लो समय सामाजिक सञ्जालमार्फत अनलाइन जुवा र सट्टेबाजीको गैरकानुनी प्रचारप्रसार व्यापक बनेपछि प्रहरीले आफ्नो निगरानी बढाएको थियो। सोही क्रममा प्राप्त विशेष सूचनाका आधारमा प्रहरीले यो कारबाही चलाएको हो।

घटना तथा कारबाहीको मुख्य विवरण