11/18/2026, 13:00:21
बुधबार, मङि्सर ०३, २०८३

सेयर बजारमा २२.८५ अंकको सुधार: ६ अर्ब ७४ करोड बढीको कारोबार


काठमाडौं, असोज २ गते । साताको अन्तिम कारोबार दिन शुक्रबार सेयर बजार परिसूचक (नेप्से) २२.८५ अंकले बढेर २६४७ अंकको विन्दुमा पुगेको छ। अघिल्लो दिन ५ अर्ब ४९ करोड रुपैयाँको कारोबार भएकोमा आज कारोबार रकम बढेर ६ अर्ब ७४ करोड रुपैयाँ पुगेको छ।

आज मुख्य गरी बैंकिङ समूहमा आकर्षण देखिएको छ, जसको सूचक सबैभन्दा धेरै १.५९ प्रतिशतले बढेको छ। त्यसैगरी जीवन बीमा, जलविद्युत्, व्यापार र अन्य विभिन्न उपसमूहका सूचकहरूमा पनि वृद्धि दर्ज भएको छ भने अन्य र फाइनान्स उपसमूहका सूचकमा सामान्य गिरावट आएको छ।

कुल १९६ कम्पनीको सेयर मूल्य बढ्दा ७४ कम्पनीको मूल्य घटेको छ भने ९ कम्पनीको मूल्य स्थिर रहेको छ। स्नो रिभर्स र इनिफिनिटी लघुवित्त लगायतका कम्पनीहरू शीर्ष कमाउनेमा रहेका छन् भने हाथवे इन्भेस्टमेन्ट लगायतका कम्पनीका सेयरधनीले गुमाएका छन्।

आजको कारोबारमा कुमारी बैंक, लक्ष्मी सनराइज बैंक, ग्लोबल आईएमई बैंक र लिबर्टी इनर्जी लगायतका कम्पनीहरूको सर्वाधिक रकमको सेयर कारोबार भएको छ।

नेप्से कारोबार: मुख्य सूचक तथा आँकडा

विवरण तथ्याङ्क / स्थिति
नेप्से परिसूचक २६४७ अंक (+२२.८५ अंक)
कुल कारोबार रकम रु ६ अर्ब ७४ करोड (अघिल्लो दिन: ५.४९ अर्ब)
बढेका / घटेका कम्पनी बढेका: १९६
सर्वाधिक बढ्ने उपसमूह बैंकिङ (+१.५९%) र जीवन बीमा (+१.५२%)
धेरै कमाउने कम्पनीहरू स्नो रिभर्स (+१३.६६%), इनिफिनिटी लघुवित्त (+९.८१%)
सर्वाधिक कारोबार भएका कम्पनी कुमारी बैंक, लक्ष्मी सनराइज बैंक, ग्लोबल आईएमई बैंक