चालु आ.व.को दुई महिनामा २५ अर्बले बढ्यो राजस्व, ऋण भुक्तानी खर्च झन्डै ७० अर्ब पुग्यो

काठमाडौँ, असोज २ गते । चालु आर्थिक वर्ष २०८३/८४ को पहिलो दुई महिना (साउन–भदौ) मा सरकारको राजस्व सङ्कलनमा उल्लेख्य सुधार आएको छ।

महालेखा नियन्त्रक कार्यालयका अनुसार भदौसम्म कुल रु एक खर्ब ८३ अर्ब २० करोड राजस्व सङ्कलन भएको छ, जुन गत आ.व.को सोही अवधिको तुलनामा रु २५ अर्ब ५३ करोडभन्दा बढी हो। सङ्कलित राजस्वमा कर राजस्व रु एक खर्ब ७२ अर्ब ४२ करोड र गैरकर राजस्व रु १० अर्ब ७७ करोड रहेको छ।

अनुदान र अन्य आयसहित सरकारको कुल आम्दानी रु एक खर्ब ९० अर्ब १० करोड पुगेको छ। आम्दानीसँगै सरकारको खर्च पनि बढेर रु एक खर्ब ९९ अर्ब ८३ करोड पुगेको छ, जुन गत आ.व.को तुलनामा करिब २० अर्ब रुपियाँले बढी हो। कुल खर्चमध्ये चालुतर्फ रु एक खर्ब २२ अर्ब खर्च भएको छ भने विकास-निर्माणका काममा हुने पुँजीगत खर्च भने रु सात अर्ब ६६ करोडमा मात्र सीमित भएको छ।

पछिल्ला वर्षहरूमा विकास खर्चको तुलनामा ऋण भुक्तानी (वित्तीय व्यवस्था) तर्फको दायित्व तीव्र रूपमा बढ्दै गएको छ। भदौसम्ममा ऋण तिर्नका लागि मात्रै रु ७० अर्ब १३ करोड खर्च भइसकेको छ। खर्च र आम्दानीबिच रु नौ अर्ब ७० करोडको घाटा (अपुग) रहेकाले सरकारले साउनदेखि नै आन्तरिक ऋणमार्फत स्रोत व्यवस्थापन गर्न सुरु गरिसकेको छ।

चालु आ.व.को दुई महिनाको आर्थिक स्थिति निम्नानुसार रहेको छ:

आर्थिक वर्ष २०८३/८४ को भदौसम्मको आय-व्यय विवरण