पोखरा विमानस्थलबाट असोज ७ देखि फ्लाई दुबईको नियमित उडान: दुबई–पोखरा–दुबई सिधा जोडिने

काठमाडौँ, असोज १ गते । लामो प्रतीक्षापछि पोखरा क्षेत्रीय अन्तर्राष्ट्रिय विमानस्थलबाट फ्लाई दुबईले आगामी असोज ७ गतेदेखि ‘दुबई–पोखरा–दुबई‘ नियमित व्यावसायिक उडान सुरु गर्ने भएको छ।

विमानस्थलका महाप्रबन्धक जगन्नाथ निरौलाका अनुसार फ्लाई दुबईको एयरबस ३२० जहाज दैनिक साँझ ६:१५ बजे पोखरा अवतरण गरी ७:१५ बजे दुबईका लागि प्रस्थान गर्नेछ।

सरकारले पोखरा विमानस्थलमा ग्राउन्ड ह्यान्डलिङमा ५० प्रतिशत र ल्यान्डिङ, पार्किङ तथा नेभिगेसन शुल्कमा २०८५ भदौसम्म १०० प्रतिशत छुट दिएकाले काठमाडौँको तुलनामा हवाई भाडा सस्तो हुने अपेक्षा गरिएको छ।

विश्वकै प्रमुख हवाई ट्रान्जिट हब मानिने दुबईसँगको सीधा उडानले वैदेशिक रोजगारीमा रहेका नेपाली, पर्यटक र व्यवसायीहरूलाई सहज हुनुका साथै पोखराको पर्यटन, साहसिक खेल, होटेल तथा व्यापार क्षेत्रमा नयाँ उत्साह थप्ने पर्यटन व्यवसायीहरू बताउँछन्।

सन् २०२३ जनवरी १ देखि सञ्चालनमा आएको पोखरा विमानस्थलमा यसअघि विभिन्न एयरलाइन्सका ४२ वटा चार्टर तथा सीमित उडानमार्फत करिब ३,००० यात्रुले सेवा लिइसकेका छन्। फ्लाई दुबईको यो नियमित उडानलाई दिगो बनाउन प्रतिस्पर्धात्मक भाडा, भरपर्दो सेवा र प्रभावकारी अन्तर्राष्ट्रिय बजारीकरण आवश्यक रहेको पर्यटन परिषद्का अध्यक्ष हरि भुजेलले जोड दिनुभएको छ।

उडान तथा पोखरा विमानस्थलसम्बन्धी मुख्य विवरण: