भारतबाट ल्याइएको पेट्रोलियम पदार्थ बाटोमै निकाल्दै गर्दा ३ ट्याङ्कर नियन्त्रणमा

भैरहवा, भदौ ३१ गते । भारतबाट नेपाल आयल निगमको भलवारी डिपोका लागि ल्याइएको पेट्रोलियम पदार्थ बाटोमै सिल तोडेर निकाल्दै गरेको अवस्थामा प्रहरीले तीन वटा ट्याङ्कर नियन्त्रणमा लिएको छ।

लुम्बिनी प्रदेश प्रहरी कार्यालय दाङ र वडा प्रहरी कार्यालय भैरहवाको संयुक्त टोलीले मङ्गलबार भैरहवास्थित सराफ आयल सेन्टरमा छापा मार्दा सो घटना सार्वजनिक भएको हो।

प्रहरीले लु.२ ख १५४४ र लु.१ ख ६५०४ नम्बरका ट्याङ्करबाट सिल तोडेर करिब ३० लिटर डिजेल निकालिरहेको अवस्थामा दुई ट्याङ्कर र एक जना सहचालकलाई नियन्त्रणमा लिएको थियो। सोही क्रममा फरार भएको लु.१ ख ६६१९ नम्बरको अर्को ट्याङ्करलाई पनि प्रहरीले पिछा गर्दै नियन्त्रणमा लिन सफल भएको लुम्बिनी प्रदेश प्रहरी प्रमुख (डिआइजी) भूपेन्द्र खत्रीले जानकारी दिनुभयो।

नेपाल आयल निगम भलवारी डिपोका निमित्त प्रमुख सुरेन्द्र विष्टका अनुसार सिल तोडेर तेल निकाल्दै गरेको अवस्थामा प्रहरीले कारबाही अघि बढाएको र संलग्नहरूमाथि कानुन अनुसार कडा कारबाही हुने बताउनुभयो।

व्यवसायी र पम्प सञ्चालकबिचको मिलेमतोमा यसअघि पनि यस्ता गतिविधि हुने गरेको आशङ्का गरिएकोमा पछिल्लो घटनाले पेट्रोलियम पदार्थ ढुवानीको सिल परीक्षण, निगरानी र नापजाँच प्रणालीमाथि गम्भीर प्रश्न उठाएको छ।

घटनाको मुख्य विवरण: