पर्यटन विधेयक २०८१: क्यासिनो नवीकरण अवधि ५ वर्ष पुर्‍याउन र एउटा होटेलमा एउटा मात्र क्यासिनो सञ्चालन गर्न व्यवसायीको सुझाव

काठमाडौँ, भदौ ३१ गते । क्यासिनो व्यवसायीहरूले हरेक वर्ष गर्दै आएको क्यासिनोको इजाजतपत्र नवीकरण अवधि बढाएर पाँच वर्ष पुर्‍याउन सरकारलाई सुझाव दिएका छन्।

प्रतिनिधि सभाको अन्तर्राष्ट्रिय सम्बन्ध तथा पर्यटन समितिको मङ्गलबार बसेको बैठकमा ‘पर्यटन विधेयक, २०८१’ माथिको छलफलका क्रममा व्यवसायीहरूले उक्त सुझाव दिएका हुन्।

क्यासिनो व्यवसायी अमूल्य राणाले वार्षिक नवीकरणको झन्झटले गर्दा बैङ्किङ तथा वित्तीय सहुलियत प्राप्त गर्न कठिनाइ भइरहेको बताउनुभयो। उहाँले तारे होटेलको जस्तै क्यासिनोको नवीकरण अवधि पनि पाँच वर्ष बनाउनुपर्ने र एउटै होटेलको फरक-फरक भागमा छुट्टाछुट्टै क्यासिनो सञ्चालन गर्न नपाउने गरी कानुनी व्यवस्था स्पष्ट पार्न आग्रह गर्नुभयो।

यसैगरी, अर्का व्यवसायी बलराम सापकोटाले सरकारले साना क्यासिनोलाई प्रोत्साहन गर्नुको साटो ठुलो लगानी आकर्षित गर्ने र धेरै रोजगारी सिर्जना गर्ने ठुला क्यासिनोहरूलाई प्राथमिकता दिनुपर्ने धारणा राख्नुभयो।

व्यवसायीका मुख्य सुझावहरू: