खाद्यान्न आपूर्ति नियमित रहने साल्ट ट्रेडिङको प्रतिबद्धता: नुन र चिनीको पर्याप्त मौज्दात

काठमाडौँ, भदौ २७ गते । साल्ट ट्रेडिङ कर्पोरेसनले प्राकृतिक विपत् तथा सडक अवरुद्ध भएको अवस्थामा पनि देशभर खाद्यान्न आपूर्ति शृङ्खलालाई नियमित राख्दै आएको छ।

काठमाडौँ उपत्यका तथा दुर्गम क्षेत्रमा हुनसक्ने कृत्रिम अभावलाई रोक्न कर्पोरेसनले नुन र चिनीजस्ता अत्यावश्यक वस्तुको ‘बफर स्टक’ सधैँ सुरक्षित राख्दै आएको कर्पोरेसनका सहायक प्रमुख कार्यकारी अधिकृत ब्रजेश झाले जानकारी दिनुभयो।

हाल बजारमा चिनीको कुनै अभाव नहुने कर्पोरेसनले स्पष्ट पारेको छ। भारतबाट भन्सार छुटमा १० हजार टन चिनी ल्याउने प्रक्रिया अघि बढिसकेको छ भने कर्पोरेसनको आफ्नै पहलमा ल्याइएको २,५०० मेट्रिक टन चिनी वीरगन्ज भन्सारमा आइपुगेको छ। साथै, आन्तरिक उद्योगबाट खरिद गरिने १२ हजार मेट्रिक टन चिनी पनि आउने क्रममा रहेको छ भने नुन आगामी सात महिनाका लागि पर्याप्त मौज्दात रहेको छ।

वि.सं. २०२० भदौ २७ गते स्थापना भएको साल्ट ट्रेडिङ कर्पोरेसनले सुरुवातमा आयोडिनयुक्त नुनको व्यवस्थित आपूर्तिबाट आफ्नो सेवा सुरु गरेको थियो। सार्वजनिक–निजी साझेदारीमा सञ्चालित यस कर्पोरेसनले हाल दैनिक उपभोग्य वस्तुका साथै खाना पकाउने ग्यास र कृषि सामग्रीको सहज र सर्वसुलभ आपूर्ति व्यवस्थापन गर्दै आइरहेको छ।

विवरण तथा मौज्दातको अवस्था: