सेयर बजारमा हरियाली: नेप्से २७.९४ अङ्कले बढ्यो, कारोबार ४ अर्ब ३५ करोड नाघ्यो

काठमाडौँ, भदौ २६ गते। अघिल्ला दुई दिन लगातार घटेको नेपाल स्टक एक्सचेन्ज (नेप्से) परिसूचक शुक्रबार अर्थमन्त्री डा. स्वर्णिम वाग्लेको आश्वासनपछि सुधारिएको छ।

नेपाल आर्थिक पत्रकार समाज (सेजन) को साधारणसभामा बोल्दै अर्थमन्त्री वाग्लेले सोमबारसम्म सेयर बजार सुधारका लागि १०-१२ बुँदे कार्ययोजना ल्याउने घोषणा गरेसँगै बजारमा सकारात्मक प्रभाव परेको हो।

शुक्रबार नेप्से परिसूचक १.१० प्रतिशत अर्थात् २७.९४ अङ्कले बढेर २५५९ अङ्कमा कायम भएको छ। परिसूचकसँगै कारोबार रकममा पनि सुधार आएको छ। अघिल्लो दिन ३ अर्ब ९९ करोड रुपियाँको कारोबार भएकोमा आज वृद्धि भई ४ अर्ब ३५ करोड रुपियाँ बराबरको सेयर खरिदबिक्री भएको छ।

आज कारोबारमा आएकामध्ये २३७ कम्पनीको सेयर मूल्य बढेको छ भने ३१ कम्पनीको घटेको र ९ कम्पनीको स्थिर रहेको छ। सबै समूहगत सूचकहरू सकारात्मक रहँदा उपकार लघुवित्त र अभियान लघुवित्तको सेयर मूल्यमा १० प्रतिशतभन्दा बढीको सकारात्मक सर्किट लागेको छ।

नेप्से कारोबारको मुख्य विवरण तथा तथ्याङ्क: