डडेलधुरा, असोज २३ गते । साइबर अपराध, यौनहिंसा, मानसिक तनाव तथा यौन तथा प्रजनन स्वास्थ्य अधिकारका विषयमा समुदायमा सचेतना फैलाउने उद्देश्यले डडेलधुरामा विद्यार्थीहरूले घरदैलो कार्यक्रम सञ्चालन गरेका छन्।
अमरगढी नगरपालिका–५, खलङ्गास्थित महेन्द्र माध्यमिक विद्यालयका विद्यार्थीहरूले समुदायस्तरमै पुगेर अभिभावक तथा सर्वसाधारणलाई सचेत गराएका हुन्।
विद्यालयमा यौन तथा प्रजनन स्वास्थ्य अधिकारसम्बन्धी अभिमुखीकरण तालिम लिएपछि सिकेका ज्ञानलाई समुदायसम्म पुर्याउन विद्यालयको युवा रेडक्रस सोसाइटी र महेन्द्र नमुना बालक्लबका पदाधिकारीहरूको सहभागितामा उक्त अभियान चलाइएको हो। अभियानका क्रममा विद्यार्थीहरूले किशोरावस्थामा हुने शारीरिक एवम् मानसिक परिवर्तन, यौनहिंसाबाट बच्ने उपाय र मानसिक तनाव व्यवस्थापनबारे जानकारी गराएका थिए।
ग्रामीण महिला विकास तथा एकता केन्द्र (रुडुक) काठमाडौँले ‘पपुलेसन कनेक्सन‘को सहयोगमा सञ्चालन गरेको किशोरी सशक्तीकरण परियोजना अन्तर्गत २० जना विद्यार्थीलाई अभिमुखीकरण दिई परिचालन गरिएको परियोजना संयोजक आयुषा श्रेष्ठले जानकारी दिनुभयो। विद्यार्थीहरूले किशोरकिशोरीका समस्यामा अभिभावक र शिक्षकसँग खुलेर छलफल गर्ने वातावरण बनाउनुपर्नेमा जोड दिएका छन्।
रुडुक डडेलधुराका कार्यकारी निर्देशक अमरबहादुर साउदका अनुसार विद्यार्थीमार्फत घरपरिवार र समुदायमा सचेतना पुर्याउँदा किशोर-किशोरीले भोग्ने समस्या समयमै पहिचान गर्न र आवश्यक सहयोग तथा परामर्शको वातावरण बनाउन ठूलो मद्दत पुग्ने अपेक्षा गरिएको छ।
| विषय (Category) | मुख्य विवरण (Key Details) |
| मुख्य कार्यक्रम | साइबर अपराध, यौनहिंसा र प्रजनन स्वास्थ्यबारे विद्यार्थीद्वारा घरदैलो अभियान |
| स्थान / विद्यालय | अमरगढी नगरपालिका–५, खलङ्गा, डडेलधुरा (महेन्द्र माध्यमिक विद्यालय) |
| सहभागी संस्था/क्लब | युवा रेडक्रस सोसाइटी र महेन्द्र नमुना बालक्लब (२० जना विद्यार्थी) |
| सञ्चालक / सहयोगी संस्था | रुडुक (RUDUC) काठमाडौँ र पपुलेसन कनेक्सन (Population Connection) |
| प्रमुख वक्ताहरू | आयुषा श्रेष्ठ (परियोजना संयोजक), अमरबहादुर साउद (कार्यकारी निर्देशक, रुडुक) |
| प्रमुख विषयवस्तुहरू | किशोरावस्थाको परिवर्तन, यौन तथा प्रजनन स्वास्थ्य अधिकार, यौनहिंसा, साइबर अपराध र मानसिक तनाव व्यवस्थापन |
What if you could work from Anywhere?
Explore More with something that can change your Life!
