७९.७४ अंकले बढ्यो नेप्से, साढे ४ अर्बको कारोबार

Font size Print

काठमाडौँ, साउन १ गते । सेयर कारोबार मापक नेप्से परिसूचक ७९‍.७४ अंकले बढेको छ । बिहीबारको तुलनामा ३.०६ प्रतिशतले वृद्धि भएको नेप्से २६७७.५४ विन्दुमा उक्लिएको छ । बुधबारयता नेप्से निरन्तर बढेको हो ।

सामूहिक लगानी कोषबाहेक सबै उपसमूहको मूल्य बढ्यो । उत्पादन तथा प्रशोधनको ४६७.३५, होटल तथा पर्यटनको २५९.३८, निर्जीवन बीमाको २२८.८९ अं‌कले बढ्यो । सामूहिक लगानी कोष शून्य दशमलव शून्य ६ अंकले घट्यो । कारोबारमा आएका मध्ये २५९ कम्पनीको सेयर मूल्य बढ्यो, १३ कम्पनीको मूल्य घट्यो भने २ कम्पनीको मूल्य स्थिर रह्यो ।

नेप्सेका अनुसार ५८ हजार ९४ पटकको किनबेचमा ४ अर्ब ५७ करोड ५० लाख रुपैयाँको सेयर कारोबार भएको छ । ती कारोबारमा १ करोड ३ लाख ८९ हजार ७७ कित्ता सेयर खरिदबिक्री भएको हो ।

उच्च मूल्य बढेका कम्पनीहरू