बुढीगण्डकी बाढी: १०० भन्दा बढी घरगोठ र ६ वटा पुल बगाए, सयौँको हेलिकोप्टरमार्फत उद्धार

गोरखा, असोज २५ गते । गोरखाको चुमनुब्री गाउँपालिका–६ स्थित उङ्गिलुङ खोलामा सुक्खा पहिरो गएर थुनिएपछि आएको अचानक बाढीले उत्तरी गोरखामा ठुलो जनधनको क्षति पुर्‍याएको छ। बाढीले बुढीगण्डकी किनारका एक सयभन्दा बढी घरगोठ तथा दुईवटा मोटरेबल र चारवटा झोलुङ्गे पुल पूर्ण रूपमा बगाएको छ।

घटना र जनधनको क्षति:

बिहान करिब ४:०० बजे उङ्गिलुङ खोला थुनिएर अचानक खोलिँदा आएको बाढीले चुमनुब्री, धार्चे र आरुघाट क्षेत्रमा तहसनहस बनाएको छ। उङ्गिलुङ भेडीगोठ क्षेत्रका पाँच जना र धाउले क्षेत्रका अन्य पाँच जना गरी कुल १० जना सम्पर्कविहीन रहेका छन्। बाढीले सल्लेरी, घट्टेखोला, पैँयु, दोभान, माछीखोला र सोती क्षेत्रका करिब एक सयभन्दा बढी घरगोठ बगाउनुका साथै तीनवटा हाइड्रोपावर आयोजना र स्थानीय विकास आधारभूत विद्यालयको भवनमा समेत क्षति पुर्‍याएको छ।

पुल बगाउँदा यातायात र जनजीवन अस्तव्यस्त:

बाढीले आरुघाट–धादिङ जोड्ने मोटरेबल पुल, सोती–मान्बु पक्की पुल र धार्चेको बेलिब्रिजसहित चारवटा झोलुङ्गे पुल बगाएको छ। यसका साथै चुम्लिङ र छेकम्पार जाने एकमात्र सहरा बनेको सर्दिभीरको क्यान्टिलिभर पुलसमेत बग्दा उत्तरी गोरखाका विभिन्न गाउँबस्तीहरू पूर्ण रूपमा सम्पर्कविहीन बनेका छन्।

उद्धार तथा सुरक्षा परिचालन:

विपद् लगत्तै प्रभावित क्षेत्रमा नेपाली सेनाको चारवटा हेलिकोप्टर परिचालन गरिएको छ। सेनाको टोलीले न्याकफेदी, यारुबगर र मनासलु क्षेत्रमा अलपत्र परेका पर्यटक, गाइड, भरिया तथा स्थानीय नागरिकसहित सयौँ मानिसहरूको हेलिकोप्टरमार्फत सफल उद्धार गरी सुरक्षित स्थानमा पुर्‍याएको छ।

क्षति तथा उद्धार विवरण तालिका