राष्ट्रपति रामचन्द्र पौडेलसमक्ष भाषा आयोगको आर्थिक वर्ष २०८२/०८३ को वार्षिक प्रतिवेदन पेस

काठमाडौँ, असोज १६ गते । राष्ट्रपति रामचन्द्र पौडेलसमक्ष भाषा आयोगका कार्यवाहक अध्यक्ष कृष्णप्रसाद न्यौपानेले आयोगको आर्थिक वर्ष २०८२/०८३ को वार्षिक प्रतिवेदन पेस गर्नुभएको छ।

राष्ट्रपति कार्यालय, महाराजगञ्ज, काठमाडौँमा आयोजित एक विशेष समारोहका बिच उक्त वार्षिक प्रतिवेदन सम्माननीय राष्ट्रपतिसमक्ष पेस गरिएको हो।

राष्ट्रपति कार्यालयका प्रवक्ता कृष्णबहादुर शाहीका अनुसार नेपालको संविधानको व्यवस्थाबमोजिम भाषा आयोगले आफ्नो वार्षिक काम-कारबाहीको विवरण समेटेर प्रतिवेदन पेस गरेको हो।

उक्त अवसरमा भाषा आयोगका पदाधिकारीहरू लगायत राष्ट्रपति कार्यालयका उच्चपदस्थ अधिकारीहरूको उपस्थिति रहेको प्रवक्ता शाहीद्वारा जारी विज्ञप्तिमा उल्लेख छ।