नेपाली कांग्रेस महाधिवेशन: उम्मेदवारलाई कडा आचारसंहिता, भौतिक प्रचार र फ्लेक्स-ब्यानरमा पूर्ण प्रतिबन्ध

काठमाडौँ, असोज १६ गते । नेपाली कांग्रेस केन्द्रीय निर्वाचन समितिले महाधिवेशनमा नेतृत्वका लागि प्रतिस्पर्धा गर्ने आकाङ्क्षी तथा उम्मेदवारहरूका लागि थप कडा र परिमार्जित निर्वाचन आचारसंहिता लागू गर्ने निर्णय गरेको छ।

हालैको विपद्पछिको असहज परिस्थितिलाई ध्यानमा राख्दै महाधिवेशनलाई मर्यादित, मितव्ययी र अनुशासित बनाउन तडक-भडकपूर्ण प्रचारप्रसारमा पूर्ण रोक लगाइएको हो।

समितिले प्रिन्ट तथा भौतिक प्रचार सामग्रीको प्रयोगमा पूर्ण प्रतिबन्ध लगाएको छ। जसअनुसार महाधिवेशन स्थल तथा त्यस वरपरका क्षेत्रहरूमा कुनै पनि प्रकारका फ्लेक्स, ब्यानर, पोस्टर, पम्प्लेट वा अन्य छापिएका प्रचार सामग्रीहरू राख्न, टाँस्न वा वितरण गर्न सख्त मनाही गरिएको छ।

यसैगरी, महाधिवेशन स्थलको बाहिरी परिसर, सार्वजनिक सडक तथा आसपासका क्षेत्रहरूमा समेत कुनै पनि प्रकृतिका भौतिक प्रचार सामग्रीहरू राख्न वा प्रदर्शन गर्न नपाइने व्यवस्था आचारसंहितामा गरिएको छ।

निर्वाचन समितिका सदस्य सचिव राजु कटुवालका अनुसार उम्मेदवारहरूले आफ्ना एजेण्डा, प्रतिबद्धता र उम्मेदवारी सम्बन्धी विवरणहरू केवल डिजिटल माध्यम (सामाजिक सञ्जाल, अनलाइन तथा अन्य विद्युतीय माध्यम) बाट मात्र सम्प्रेषण गर्न पाउनेछन्।

निर्वाचन आचारसंहिताका प्रमुख प्रावधानहरू