काठमाडौं, असोज १४ गते । देशभर मनसुनी वायु र पश्चिमी वायुको आंशिक प्रभाव कायम रहँदा आज कोशी र बागमती प्रदेशका हिमाली तथा पहाडी भू–भागमा सामान्यतया बदली रहने मौसम पूर्वानुमान महाशाखाले जनाएको छ।
२०८३ आश्विन १४ गते बुधबार बिहान ८ बजे जारी गरिएको आगामी २४ घण्टाको पूर्वानुमानअनुसार गण्डकी, कर्णाली र सुदूरपश्चिम प्रदेशका पहाडी भू–भागमा पनि सामान्यतया बादल लाग्नेछ। कर्णाली र सुदूरपश्चिम प्रदेशका हिमाली क्षेत्रमा भने आंशिक बदली रहनेछ।
देशका तराई भू–भागमा पनि आंशिक बादल लाग्ने पूर्वानुमान गरिएको छ।
हिमाली क्षेत्रमा वर्षा–हिमपातको सम्भावना
आज दिउँसो देशका हिमाली भू–भागका एक–दुई स्थानमा हल्का वर्षा तथा हिमपात हुने सम्भावना रहेको छ।
त्यसैगरी देशका पहाडी भू–भागका थोरै स्थानमा हल्का वर्षा तथा हिमपात हुन सक्ने महाशाखाले जनाएको छ।
यसका कारण विशेषगरी उच्च पहाडी तथा हिमाली क्षेत्रमा यात्रा गर्नेहरूले मौसमको अवस्था बुझेर यात्रा गर्न सुझाव दिइएको छ।
राति पनि पहाडी–हिमाली क्षेत्रमा बदली
आज राति कोशी र बागमती प्रदेशका हिमाली तथा पहाडी भू–भागमा सामान्यतया बादल लाग्नेछ।
गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी क्षेत्रमा भने आंशिक बदली रहनेछ। तराईका भू–भागमा पनि आंशिक बादल लाग्ने पूर्वानुमान छ।
राति कोशी र बागमती प्रदेशका हिमाली तथा पहाडी भू–भागका एक–दुई स्थानमा हल्का वर्षा तथा हिमपात हुने सम्भावना रहेको छ।
स्तो छ मौसमी प्रणाली
मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थानको आसपास रहेको छ।
साथै, देशभर मनसुनी वायु र पश्चिमी वायुको आंशिक प्रभाव रहेको छ। यही मौसमी प्रणालीका कारण देशका विभिन्न पहाडी तथा हिमाली क्षेत्रमा बदली र हल्का वर्षा तथा हिमपातको सम्भावना रहेको हो।
स्रोत : मौसम पूर्वानुमान महाशाखा
What if you could work from Anywhere?
Explore More with something that can change your Life!
