प्रतिनिधिसभामा ‘राष्ट्रिय प्रतिरक्षा विश्वविद्यालय विधेयक’सहित तीन नयाँ विधेयक प्रस्तुत

काठमाडौँ, असोज १३ गते । प्रतिनिधिसभाको मङ्गलबार बसेको बैठकमा ‘राष्ट्रिय प्रतिरक्षा विश्वविद्यालय विधेयक, २०८३’ प्रस्तुत गरिएको छ। प्रधानमन्त्री तथा रक्षामन्त्री वालेन्द्र शाहको तर्फबाट कानुन, न्याय तथा संसदीय मामिलामन्त्री सोविता गौतमले सो विधेयक संसद्‌मा पेस गर्नुभएको हो।

यसैगरी, प्रधानमन्त्री शाहकै तर्फबाट कानुनमन्त्री सोविता गौतमले ‘केही नेपाल ऐनको व्यवस्था जगाउने विधेयक, २०८३ माथि विचार गरियोस्’ भन्ने प्रस्तावसमेत बैठकमा प्रस्तुत गर्नुभएको छ।

संसद्‌मा अन्य विधेयकहरूसमेत पेस भएका छन्। पूर्वाधार विकासमन्त्री सुनिल लम्सालले ‘डिप्लोमा इन्जिनियरिङ परिषद् विधेयक, २०८३’ प्रतिनिधिसभा समक्ष प्रस्तुत गर्नुभयो।

त्यस्तै, शिक्षा, स्वास्थ्य तथा सूचना प्रविधि समितिका सभापति ओजस्वी शेरचनले राष्ट्रियसभामा उत्पत्ति भएको ‘राष्ट्रिय विधि विज्ञान प्रयोगशाला (स्थापना र सञ्चालन) विधेयकसम्बन्धी समितिको प्रतिवेदन, २०८३’ बैठकमा पेस गर्नुभएको छ।