सङ्घीय संसद्का दुवै सदनको बैठक बस्दै: प्रतिनिधिसभा र राष्ट्रियसभामा विभिन्न महत्वपूर्ण विधेयक तथा प्रतिवेदन पेस हुने

काठमाडौँ, असोज १२ गते । सङ्घीय संसद्का दुवै सदन (प्रतिनिधिसभा र राष्ट्रियसभा) को बैठक आज सोमबार बस्दैछ। बिहान ११ बजे सुरु हुने प्रतिनिधिसभाको बैठकमा सरकारका तर्फबाट विभिन्न मन्त्रालयसँग सम्बन्धित महत्वपूर्ण संशोधन विधेयकहरू पेस गर्ने कार्यसूची रहेको छ।

प्रतिनिधिसभा बैठकमा प्रधानमन्त्री वालेन्द्र शाहको तर्फबाट कानुन, न्याय तथा संसदीय मामिलामन्त्री सोविता गौतमले ‘केही नेपाल ऐनको व्यवस्था जगाउने विधेयक, २०८३’ प्रस्तुत गर्नुहुनेछ। त्यसैगरी महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षामन्त्री सीता बादीले आफ्नो मन्त्रालयसँग सम्बन्धित केही नेपाल ऐन संशोधन गर्ने विधेयक, २०८३ पेस गर्नुहुने कार्यक्रम छ।

यस्तै स्वास्थ्य तथा खाद्य स्वच्छता मन्त्री निशा मेहताले एकैसाथ चार वटा महत्वपूर्ण विधेयकहरू प्रस्तुत गर्नुहुनेछ। जसमा ‘आमाको दूधलाई प्रतिस्थापन गर्ने वस्तु (बिक्री वितरण नियन्त्रण) (पहिलो संशोधन) विधेयक, २०८३’, ‘सुरक्षित मातृत्व तथा प्रजनन स्वास्थ्य अधिकार (पहिलो संशोधन) विधेयक, २०८३’, ‘स्वास्थ्यकर्मी तथा स्वास्थ्य संस्थाको सुरक्षासम्बन्धी (दोस्रो संशोधन) विधेयक, २०८३’ र ‘रामराजाप्रसाद सिंह स्वास्थ्य विज्ञान प्रतिष्ठान विधेयक, २०८३’ रहेका छन्।

यसैबिच, राष्ट्रियसभाको बैठक अपराह्न १:१५ बजे बस्नेछ। आजको राष्ट्रियसभा बैठकमा प्रधानमन्त्री वालेन्द्र शाहले प्राकृतिक स्रोत तथा वित्त आयोगको आर्थिक वर्ष २०८१/८२ को वार्षिक प्रतिवेदन सभासमक्ष पेस गर्नुहुने कार्यसूची तय भएको छ।