शरद् ऋतुमा हिमाल आरोहणका लागि ५७९ जनाले लिए अनुमति: साढे २३ करोड राजस्व सङ्कलन

काठमाडौँ, असोज ४ गते । सन् २०२६ को शरद् ऋतुमा हिमाल आरोहणका लागि ५५ वटा समूहका १४७ महिला र ४३२ पुरुष गरी कुल ५७९ जना आरोहीले अनुमति लिएका छन्।

पर्यटन विभागका अनुसार विभिन्न ११ वटा हिमाल आरोहण अनुमतिबापत कुल २३ करोड ५१ लाख ८३ हजार २३२ रुपियाँ रोयल्टी (राजस्व) सङ्कलन भएको छ।

यस याममा सबैभन्दा बढी मनास्लु हिमाल आरोहणका लागि ४१ समूहका ४९३ जनाले अनुमति लिएका छन्, जसबाट मात्रै २२ करोड ४८ लाख रुपियाँभन्दा बढी राजस्व उठेको छ। आरोहण अनुमति लिनेहरूमा सबैभन्दा बढी चीनका ११७ जना, रसियाका ५३, फ्रान्सका ४१, अमेरिकाका ३९ र बेलायतका २८ जना रहेका छन्।

मनास्लुको चुचुरोसम्म डोरी टाँग्ने (रोप फिक्सिङ) काम सम्पन्न भइसके पनि हाल सो क्षेत्रमा बाक्लो हिमपात भइरहेकाले आरोहीहरू आधार शिविरमा अनुकुल मौसमको प्रतीक्षामा छन्। मौसम सुधार हुनासाथ आरोहीहरू चुचुरोतर्फ प्रस्थान गर्ने पर्वतारोहण सञ्चालक सङ्घ नेपालले जनाएको छ।

यसैबीच, पर्यटन विभागले मनास्लु आरोहणलाई थप व्यवस्थित, सुरक्षित र प्रभावकारी बनाउन पहिलो पटक आधार शिविरमै सम्पर्क कार्यालय स्थापना गरी ४ जना सम्पर्क अधिकृत खटाएको छ। यसअघि सगरमाथा आधार शिविरमा मात्र यस्तो अस्थायी फिल्ड कार्यालय राख्ने गरिएको थियो।

आरोहण तथा राजस्व सम्बन्धी मुख्य सारसंक्षेप: