नयाँ सोचका साथ आफ्नै पुस्ताका लागि रोजगारी सिर्जना गरौँ : प्रधानमन्त्री बालेन्द्र शाह

काठमाडौँ, असोज २ गते । प्रधानमन्त्री बालेन्द्र शाहले जेन्जी उमेर समूहका सांसदहरूलाई आफैँ उदाहरण बनेर नवीन सोचका साथ आफ्नै पुस्ताका लागि स्वदेशमै रोजगारी सिर्जना गर्न आग्रह गर्नुभएको छ।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा आयोजित अन्तरक्रिया कार्यक्रममा उहाँले जन-जीविकाका आधारभूत समस्या समाधान गर्दै आफ्नो पुस्तालाई आत्मनिर्भर बनाउन अग्रसर हुन आह्वान गर्नुभयो।

प्रधानमन्त्री शाहले सांसदहरूलाई स्थलगत अध्ययन तथा अनुसन्धान गर्ने, सूचना–प्रविधिको उच्चतम प्रयोग गर्ने र पुराना तथा अव्यवहारिक सोच त्यागेर समस्या समाधानमुखी व्यवहार अपनाउन सुझाव दिनुभयो।

उहाँले राजनीतिलाई मात्र पेशा नबनाई आम्दानीको छुट्टै व्यावसायिक आधार खडा गर्न र दीर्घकालीन रूपमा आत्मनिर्भर बनी अरूका लागि प्रेरणाको स्रोत बन्नसमेत जोड दिनुभयो।

अन्तरक्रियामा सहभागी जेन्जी सांसदहरूले प्रधानमन्त्रीको भनाइलाई अभिभावकीय मार्गदर्शनका रूपमा लिँदै आफ्नै पुस्तालाई आत्मनिर्भर बनाउन र स्वदेशमै अवसर सिर्जना गर्ने कार्यमा सक्रिय रूपमा जुट्ने प्रतिबद्धता व्यक्त गर्नुभयो।

अन्तरक्रिया कार्यक्रमका मुख्य बुँदाहरू