ऐतिहासिक सफलता: युएईलाई हराउँदै नेपालले जित्यो एसिसी प्रिमियर कपको उपाधि, एसिया कपमा छनोट!

काठमाडौँ, भदौ २७ गते । मलेसियाको क्वालालाम्पुरस्थित बायुमास ओभल मैदानमा सम्पन्न तेस्रो संस्करणको एसिसी प्रिमियर कप एकदिवसीय प्रतियोगिताको सनसनीपूर्ण फाइनल खेलमा नेपालले युनाइटेड अरब इमिरेट्स (युएई) लाई ४४ रनले पराजित गर्दै उपाधि आफ्नो नाममा गरेको छ।

नेपालले दिएको ३१४ रनको विशाल लक्ष्य पछ्याएको युएई ४९.१ ओभरमा २६९ रनमै समेटियो। युएईका लागि राहुल चोपराले अविजित १०० रनको शतकीय पारी खेले पनि टोलीलाई जित दिलाउन भने सकेनन्।

नेपालको जितमा ओपनर आसिफ शेखको शतकीय योगदान र गुलशनकुमार झाको विष्फोटक अर्धशतक निर्णायक बन्यो। टस जितेर पहिलो ब्याटिङ गरेको नेपालले निर्धारित ५० ओभरमा ९ विकेट गुमाउँदै ३१३ रनको बलियो योगफल खडा गरेको थियो। बलिङतर्फ करण केसीले उत्कृष्ट प्रदर्शन गर्दै ३ विकेट लिए भने ललितनारायण राजवंशीले २ विकेट र अन्य बलरहरूले १/१ विकेट लिँदै युएईको इनिङ्सलाई ध्वस्त पारेका थिए।

यो सानदार जितसँगै नेपालले दोस्रोपटक एसिसी प्रिमियर कपको उपाधि चुम्न सफल भएको छ भने सन् २०२७ मा बङ्गलादेशमा आयोजना हुने एकदिवसीय एसिया कप (Asia Cup) मा आफ्नो स्थान सुरक्षित गरेको छ। यसअघि सन् २०२३ मा पनि नेपालले युएईलाई नै हराएर एसिया कपको यात्रा तय गरेको थियो। साविक विजेता युएई भने यो पराजयसँगै आगामी एसिया कपमा छनोट हुनबाट वञ्चित भएको छ।

मुख्य खेल विवरण तथा तथ्याङ्क