‘आवश्यक परे नेतृत्व छाड्न तयार छु’: गगन थापा; स्व. गोपालमान श्रेष्ठको ४५ औँ दिनको शोकसभा सम्पन्न

स्याङ्जा, भदौ २६ गते। नेपाली कांग्रेसका सभापति गगनकुमार थापाले आगामी अधिवेशनमा पार्टीको हितका लागि आवश्यक परे नेतृत्व छाड्न तयार रहेको बताउनुभएको छ।

नेपाली कांग्रेसका वरिष्ठ नेता तथा पूर्व-उपप्रधानमन्त्री स्व. गोपालमान श्रेष्ठको ४५ औँ दिनको पुण्यतिथिका अवसरमा कांग्रेस स्याङ्जाद्वारा आयोजित शोकसभामा बोल्दै सभापति थापाले आगामी अधिवेशनबाट पार्टी पुनः जाग्ने र फेरि जनताको भरोसायोग्य पार्टी बन्ने विश्वास व्यक्त गर्नुभयो।

“मतदाता पार्टीको हुँदैन, स्वतन्त्र हुन्छ । सम्पूर्ण समर्थक, शुभेच्छुक घटाउनेतिर लाग्नु हुँदैन ।”
– सभापति गगनकुमार थापा, नेपाली कांग्रेस

शासकीय अहङ्कारका कारण सधैँ व्यवस्था हल्लिने गरेको टिप्पणी गर्दै सभापति थापाले पार्टीभित्रको फोहोर सफा गर्न कुनै कसर बाँकी नराख्ने दाबी गर्नुभयो। उहाँले स्व. श्रेष्ठले अन्तिम समयमा नयाँ पुस्तालाई प्राथमिकता दिन दिएको सुझाव अनुसार नै पार्टी अघि बढ्ने बताउँदै प्रजातन्त्रलाई आँच नआउने गरी काम गर्नु नै उहाँप्रतिको सच्चा सम्मान हुने उल्लेख गर्नुभयो।

क्यान्सर रोगका कारण गत साउन १२ गते ८३ वर्षको उमेरमा निधन हुनुभएका वरिष्ठ नेता गोपालमान श्रेष्ठ २०१७ सालदेखि नै प्रजातान्त्रिक आन्दोलनमा सक्रिय हुनुहुन्थ्यो। २०४८, २०५६ र २०६४ को निर्वाचनमा स्याङ्जाबाट निर्वाचित श्रेष्ठले उपप्रधानमन्त्रीसहित विभिन्न मन्त्रालयको जिम्मेवारी कुशलतापूर्वक सम्हाल्नुभएको थियो।

कार्यक्रम तथा स्व. गोपालमान श्रेष्ठको योगदान सम्बन्धी मुख्य विवरण: