आज प्रतिनिधिसभाको बैठक: अर्थ र कानुनसम्बन्धी दुई विधेयक प्रस्तुत हुँदै, ६ समितिका बैठक पनि बस्ने

काठमाडौँ, भदौ २६ गते। सङ्घीय संसद् प्रतिनिधिसभाको बैठक आज अपराह्न १ बजे सिंहदरबारमा बस्दैछ। आजको बैठकमा अर्थ मन्त्रालय र कानुन, न्याय तथा संसदीय मामिला मन्त्रालयसँग सम्बन्धित दुई महत्त्वपूर्ण विधेयकहरू विचारार्थ प्रस्तुत गरिने कार्यसूची रहेको छ।

बैठकमा अर्थमन्त्री डा. स्वर्णिम वाग्लेले ‘कर्मचारी सञ्चय कोष (दशौँ संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्नुहुनेछ। यसैगरी, कानुन, न्याय तथा संसदीय मामिलामन्त्री सोविता गौतमले ‘नेपाल कानुन आयोग (पहिलो संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यसूची छ।

यसैबिच, संसद्को पूर्ण बैठकका अतिरिक्त आज विभिन्न छ वटा विषयगत समितिका बैठकहरू पनि बस्दैछन्। यी समितिहरूमा विभिन्न विधेयक तथा समसामयिक विषयहरूमाथि छलफल हुने जनाइएको छ।

आजको संसद् तथा समिति बैठक विवरण: