काठमाडौँ, भदौ २५ गते । राष्ट्रिय स्वतन्त्र पार्टी (रास्वपा) का सभापति रवि लामिछानेले प्रतिनिधि सभामा विशेष समय लिएर सम्बोधन गर्दै विपत्को पीडालाई राजनीतिक लाभ-हानि र आरोप-प्रत्यारोपको हतियार बनाउने छुट कसैलाई नभएको बताउनुभएको छ।
विपद्का वेला सरकारले सम्पूर्ण राज्य संयन्त्र परिचालन गरेर उद्धार तथा राहत कार्य गरेको दाबी गर्दै उहाँले प्रतिपक्षको रचनात्मक आलोचना लोकतन्त्रको अधिकार र कर्तव्य भए पनि सङ्कटमा सबै एकजुट हुनुपर्नेमा जोड दिनुभयो।
सम्बोधनका क्रममा लामिछानेले सर्वस्व गुमाएका नागरिकले आक्रोश पोख्नु उनीहरूको नैसर्गिक अधिकार भएको बताउनुभयो। पीडित नागरिकमाथि सामाजिक सञ्जालमा तुच्छ टिप्पणी गर्ने वा साइबर बुलिङमा संलग्न हुने रास्वपाका कुनै पनि तहका सदस्य वा पदाधिकारीलाई साधारण सदस्यसमेत नरहने गरी तत्काल पार्टीबाट निष्कासन गरिने चेतावनी उहाँले दिनुभयो।
साथै, रसुवा बाढीलाई जलवायुजन्य विपत्ति घोषणा गर्न र संसद्बाट हिमाली जलवायु तथा विपत् आपत्कालसम्बन्धी विशेष प्रस्ताव पारित गर्न पनि उहाँले प्रस्ताव गर्नुभयो।
सोही बैठकमा अन्य राजनीतिक दलका सांसदहरूले पनि विभिन्न समसामयिक मुद्दा उठाएका छन्।
नेपाली कांग्रेसका सांसद अर्जुननरसिंह केसी र रास्वपा सांसद रचना खतिवडाले जेनजी आन्दोलनको उद्देश्य र सहिदको न्यायबारे समीक्षा हुनुपर्ने धारणा राख्नुभयो भने कांग्रेस प्रमुख सचेतक बासना थापाले भोटेकोशी बाढीमा बेपत्ता भएका नागरिकको अद्यावधिक विवरण सार्वजनिक गर्न र उद्धार कार्य थप प्रभावकारी बनाउन सरकारसँग माग गर्नुभयो।
What if you could work from Anywhere?
Explore More with something that can change your Life!
















प्रतिक्रिया दिनुहोस्