हवाई इन्धनको मूल्य घटेसँगै आन्तरिक हवाई भाडा पनि समायोजन (तालिका सहित)

काठमाडौँ, असार १८ गते । नेपाल नागरिक उड्डयन प्राधिकरणले आन्तरिक उडानतर्फको हवाई भाडा समायोजन गरेको छ । नेपाल आयल निगमले हवाई इन्धनको मूल्य (फ्युल सरचार्ज) मा प्रतिलिटर ४० रुपियाँ घटाउने निर्णय गरेसँगै प्राधिकरणले बुधबारदेखि नै लागु हुने गरी नयाँ भाडा दर कार्यान्वयनमा ल्याएको हो ।

आयल निगमले हवाई इन्धनको साबिकको प्रतिलिटर मूल्य २६९ रुपियाँबाट १४.८७ प्रतिशत (४० रुपियाँ) ले घटाएर प्रतिलिटर २२९ रुपियाँ कायम गरेपछि प्राधिकरणले एयरलाइन्स अपरेटर्स एसोसिएसन अफ नेपाल (एओएएन) लाई संशोधित भाडा लागु गर्न निर्देशन दिएको छ ।

कहाँको भाडा कति घट्यो? (इन्धन शुल्क विवरण)

नयाँ समायोजन अनुसार सबैभन्दा बढी काठमाडौँ–धनगढी उडानको इन्धन शुल्क १,५६५ रुपियाँले घटेको छ भने सबैभन्दा कम काठमाडौँ–पोखराको ५६० रुपियाँले घटेको छ।

नोट: काठमाडौँबाट जनकपुर, पोखरा र भैरहवा उडानमा समान ४५५ रुपियाँ इन्धन शुल्क घटाइएको प्राधिकरणले जनाएको छ ।