सुनचाँदीको मूल्य बढ्यो: छापावाल सुन तोलामा रु २,९०० ले वृद्धि

काठमाडौँ, असोज २३ गते । नेपाली स्थानीय बजारमा शुक्रबार सुन र चाँदी दुवैको मूल्यमा वृद्धि भएको छ। नेपाल सुनचाँदी व्यवसायी महासङ्घका अनुसार आज सुनको मूल्य तोलामा २ हजार ९०० रुपियाँ र चाँदीको मूल्य तोलामा १५ रुपियाँले बढेको हो।

मूल्य वृद्धि भएसँगै आज छापावाल सुनको मूल्य प्रतितोला २ लाख ९५ हजार ७०० रुपियाँ कायम भएको छ। यसअघि बिहीबार छापावाल सुन प्रतितोला २ लाख ९२ हजार ८०० रुपियाँमा कारोबार भएको थियो।

यसैगरी, सेतो धातु (चाँदी) को मूल्यमा पनि सामान्य वृद्धि भएको छ। आज चाँदी प्रतितोला ४ हजार ४०५ रुपियाँ कायम भई कारोबार भइरहेको छ। बिहीबार असली चाँदी प्रतितोला ४ हजार ३९० रुपियाँमा किनबेच भएको थियो।

अन्तर्राष्ट्रिय बजारमा हुने मूल्यको उतारचढाव र नेपाली बजारमा माग तथा आपूर्तिका आधारमा महासङ्घले दैनिक रूपमा सुनचाँदीको आधिकारिक कारोबार मूल्य तोक्दै आएको छ।