काठमाडौँ, असोज १९ गते । नेपाली कांग्रेसको केन्द्रीय निर्वाचन समितिले १५औँ महाधिवेशनअन्तर्गत नयाँ केन्द्रीय कार्यसमिति चयनका लागि निर्वाचन कार्यतालिका सार्वजनिक गरेको छ। कांग्रेस केन्द्रीय निर्वाचन समितिका सदस्यसचिव राजु कटुवालका अनुसार निर्वाचनका औपचारिक कार्यक्रमहरू सोमबार साँझ ५:०० बजेदेखि सुरु हुनेछन्।
सार्वजनिक कार्यतालिका अनुसार असोज १९ गते सोमबार साँझ ५:०० बजे मतदाता नामावली प्रकाशन गरी साँझ ६:३० बजेसम्म दाबीविरोधको समय तोकिएको छ। सोही दिन बेलुका ८:३० बजे मतदाताको अन्तिम नामावली प्रकाशन गरिने निर्वाचन समितिले जनाएको छ।
यस्तै, असोज २० गते बिहान १०:०० देखि दिउँसो ३:०० बजेसम्म उम्मेदवारी मनोनयन दर्ताको समय तोकिएको छ। सोही दिन मनोनयनमाथि दाबीविरोध र छानबिन गरी बेलुका ७:०० बजे उम्मेदवारको दोस्रो नामावली प्रकाशन गरिनेछ। असोज २१ गते बिहान ९:०० बजेसम्म उम्मेदवारी फिर्ताको समय रहनेछ भने बिहान १०:०० बजे अन्तिम नामावली प्रकाशन गरी दिनभर प्रचारप्रसारका लागि समय छुट्याइएको छ।
मुख्य निर्वाचन अर्थात् मतदान कार्यक्रम असोज २२ गते बिहान ७:०० बजेदेखि साँझ ५:०० बजेसम्म सञ्चालन हुनेछ। मतदानका लागि राष्ट्रिय सभागृह, खुल्लामञ्च र प्रज्ञा भवन गरी तीनवटा स्थान तोकिएको छ भने मतदान सम्पन्न हुनासाथ मतगणना सुरु गरिने सदस्यसचिव कटुवालले जानकारी दिनुभयो।
| मिति (Date) | समय (Time) | कार्यक्रम / प्रक्रिया (Event / Process) |
| असोज १९ गते | साँझ ५:०० बजे | मतदाता नामावली प्रकाशन |
| असोज १९ गते | साँझ ५:०० – ६:३० बजे सम्म | मतदाता नामावलीउपर दाबीविरोध |
| असोज १९ गते | बेलुका ८:३० बजे | मतदाताको अन्तिम नामावली प्रकाशन |
| असोज २० गते | बिहान १०:०० – दिउँसो ३:०० बजे सम्म | उम्मेदवारी मनोनयन दर्ता |
| असोज २० गते | अपराह्न ४:३० बजे | उम्मेदवारको प्रारम्भिक नामावली प्रकाशन |
| असोज २० गते | अपराह्न ४:३० – साँझ ५:३० बजे सम्म | उम्मेदवारी दरखास्तमा दाबीविरोध |
| असोज २० गते | बेलुका ७:०० बजे | उम्मेदवारको दोस्रो नामावली प्रकाशन |
| असोज २१ गते | बिहान ९:०० बजेसम्म | उम्मेदवारी नाम फिर्ता |
| असोज २१ गते | बिहान १०:०० बजे | उम्मेदवारको अन्तिम नामावली प्रकाशन |
| असोज २१ गते | दिनभर | चुनावी प्रचारप्रसार |
| असोज २२ गते | बिहान ७:०० – साँझ ५:०० बजे सम्म | मतदान (सभागृह, खुल्लामञ्च र प्रज्ञा भवन) |
What if you could work from Anywhere?
Explore More with something that can change your Life!
