काठमाडौँमा इन्द्रजात्रा (येँया) विधिवत् सुरु: शुभ साइतमा ठड्याइयो इन्द्रध्वज

काठमाडौँ, असोज ७ गते । काठमाडौँ उपत्यकाको प्रसिद्ध सांस्कृतिक पर्व इन्द्रजात्रा (येँया) बुधबारदेखि विधिवत् रूपमा सुरु भएको छ। आज बिहान ७:४१ बजेको शुभ साइतमा इन्द्रध्वजोत्थान (यःसिं) गरेपछि यस वर्षको इन्द्रजात्रा औपचारिक रूपमा प्रारम्भ भएको मानिन्छ।

आठ दिनसम्म धूमधामका साथ मनाइने यो जात्राको पहिलो दिन सांस्कृतिक झाँकीहरू पुलुकिसी, लाखे र सवःभकु निकाल्ने परम्परा रहेको छ। विशेष गरी इन्द्रजात्राको यो पहिलो दिनलाई स्थानीय भाषामा ‘उपाकु’ भन्ने गरिन्छ।

यस दिनको अर्को मुख्य आकर्षण भनेको दिवङ्गत पितृहरूको स्मरण हो। आज साँझ नेवार समुदायले वर्षभरि निधन भएका आफ्ना आफन्त तथा मृतकको सम्झनामा बत्ती (पाल्चाः) बाल्दै नगर परिक्रमा गर्ने परम्परा रहिआएको छ।

लगातार आठ दिनसम्म विभिन्न धार्मिक तथा सांस्कृतिक गतिविधिहरूसहित सञ्चालन हुने यो पर्वको अन्तिम दिन ‘नानीचा याः’ मा इन्द्रध्वजा (यःसिं) ढालेपछि जात्राको विधिवत् समापन हुनेछ।

इन्द्रजात्रा (येँया) सम्बन्धी मुख्य विवरण