ऊर्जा क्षेत्रमा विपत्को क्षति र पुनःस्थापनालाई प्राथमिकता दिँदै ऊर्जामन्त्री विराजभक्त श्रेष्ठद्वारा दक्षिण कोरिया भ्रमण रद्द

काठमाडौँ, भदौ ३१ गते । ऊर्जा, जलस्रोत तथा सिँचाइमन्त्री विराजभक्त श्रेष्ठले आफ्नो पूर्वनिर्धारित दक्षिण कोरिया भ्रमण रद्द गर्नुभएको छ।

देशमा उत्पन्न प्राकृतिक विपत्ति र त्यसबाट ऊर्जा क्षेत्रमा पुगेको ठुलो क्षतिका कारण उद्धार, पुनःस्थापना तथा विद्युत् आपूर्तिलाई नियमित बनाउने कार्यलाई प्राथमिकता दिँदै मन्त्री श्रेष्ठले भ्रमण स्थगित गर्ने निर्णय लिनुभएको हो।

भोटेकोशी–त्रिशूली नदी प्रणालीमा आएको बाढीका कारण ऊर्जा संरचनाहरू क्षतिग्रस्त भएका छन् भने अझै धेरै मानिस सम्पर्कविहीन रहेकाले खोजी, उद्धार तथा राहत कार्यमा प्रभावकारी समन्वय गर्नुपर्ने जिम्मेवारी मन्त्रालयसामु छ। क्षतिग्रस्त संरचनाको पुनःस्थापना, विद्युत् आपूर्ति नियमित गर्ने, निजी ऊर्जा उद्यमीलाई सहजीकरण गर्ने र पुनरुत्थानका कामलाई तीव्रता दिन मन्त्री स्वयम् देशमै खटिने हुनुभएको छ।

मन्त्री श्रेष्ठलाई दक्षिण कोरियाको सियोलमा सेप्टेम्बर १५ देखि १७ तारिखसम्म आयोजित ‘ग्लोबल इन्फ्रास्ट्रक्चर कोअपरेसन कन्फ्रेन्स २०२६’ मा मुख्य वक्ताका रूपमा सहभागी हुन आमन्त्रण गरिएको थियो।

उक्त भ्रमणका लागि मन्त्री श्रेष्ठका साथै नेपाल विद्युत् प्राधिकरणका कार्यकारी निर्देशक दीर्घायु कुमार श्रेष्ठसहितको टोली जाने गरी गत साउन १३ गतेको मन्त्रीपरिषद् बैठकले स्वीकृति दिएको थियो।

भ्रमण रद्द तथा विपद् व्यवस्थापनको मुख्य विवरण: