सुनको मूल्य तोलामा रु. ३,२०० बढ्यो, चाँदी घट्यो

काठमाडौँ, भदौ ८ गते । नेपाली बजारमा आज छापावाल सुनको मूल्य प्रतितोला रु. ३ हजार २०० ले बढेको छ। नेपाल सुनचाँदी व्यवसायी महासंघका अनुसार आइतबार प्रतितोला रु. ३ लाख १९ हजार ५०० रहेको छापावाल सुनको मूल्य सोमबार बढेर रु. ३ लाख २२ हजार ७०० पुगेको हो।

त्यस्तै, आज १० ग्राम छापावाल सुनको मूल्य रु. २ लाख ७६ हजार ६६५ कायम भएको छ। हिजो १० ग्राम सुनको मूल्य रु. २ लाख ७३ हजार ९२० थियो।

चाँदीको मूल्य भने आज प्रतितोला रु. १० ले घटेको छ। आइतबार प्रतितोला रु. ४ हजार ९७५ रहेको असली चाँदीको मूल्य आज घटेर रु. ४ हजार ९६५ कायम भएको छ। १० ग्राम चाँदीको मूल्य पनि रु. ४ हजार २६५.५० बाट घटेर रु. ४ हजार २५६.५० कायम भएको महासंघले जनाएको छ।

स्रोतः नेपाल सुनचाँदी व्यवसायी महासंघ