प्रधानमन्त्री वालेन्द्र शाह परिवारसहित मुस्ताङतर्फ, मुक्तिनाथ मन्दिरको दर्शन गर्ने कार्यक्रम

गण्डकी, भदौ ५ गते । प्रधानमन्त्री वालेन्द्र शाह परिवारका सदस्यहरूसहित निजी भ्रमणका क्रममा शुक्रबार पोखरा आइपुग्नुभएको थियो। कास्कीका प्रमुख जिल्ला अधिकारी कुमानसिंह गुरुङका अनुसार उहाँ पोखराबाट स्थलमार्ग हुँदै मुस्ताङतर्फ प्रस्थान गर्नुभएको हो।

प्रधानमन्त्रीको यो भ्रमण नितान्त निजी र धार्मिक प्रकृतिको रहेको जनाइएको छ। भ्रमणको पूर्ण औपचारिक तालिका सर्वसार्वजनिक नगरिए तापनि उहाँ मुस्ताङ पुगेर प्रसिद्ध धार्मिक स्थल मुक्तिनाथ मन्दिरको दर्शन तथा पूजा-आजा गर्ने कार्यक्रम रहेको छ।

स्थानीय प्रशासनलाई उहाँको भ्रमणका विस्तृत विवरण प्राप्त भै-नसकेको भए तापनि सुरक्षा व्यवस्था कडा पारिएको छ। मुक्तिनाथको दर्शनपश्चात् उहाँको पोखरा फिर्ता हुने र अन्य कार्यक्रमबारे थप जानकारी प्राप्त हुन बाँकी रहेको छ।