काठमाडौँ, असोज १ : नेपाल आदिवासी जनजाति महासङ्घले ‘जेन-जी’ प्रतिनिधिसँग छलफल गरेका छन् ।
महासङ्घका वरिष्ठ उपाध्यक्ष बुद्ध घर्तीका अनुसार बुधबार ‘जेन-जी’ का प्रतिनिधिसँग आगामी योजना, आदिवासी जनजातिको अधिकार एवम् संविधानले सुनिश्चित गरेका अधिकार लगायतका विषयमा छलफल भएको छ ।
उहाँले भन्नुभयो, “आदिवासी जनजातिको अधिकार, आगामी दिनमा कसरी अगाडि बढ्ने, संविधानमा सुनिश्चित भएका अधिकार खोसिन सक्ने चिन्ता छ । २१ जना आदिवासी जनजाति युवाले सहादत प्राप्त गर्नुभएको छ ।”
वर्तमान सत्ता समीकरणमा आदिवासी युवाको नेतृत्व समावेश हुन नसकेको उहाँको भनाइ छ । उहाँले भन्नुभयो, “अहिलेको सत्ता समीकरण समावेशी छैन । आदिवासी युवा पुस्तालाई बेवास्ता गरियो भने विद्रोह हुन सक्छ । वर्तमान परिवर्तनले आदिवासी जनजातिको अधिकार समावेश गर्नुपर्छ ।”
बैठकमा महासङ्घका अध्यक्ष गेल्जे शेर्पा, वरिष्ठ उपाध्यक्ष बुद्ध घर्ती, महासचिव दिवस राई लगायत सहभागी हुनुहुन्थ्यो । यसैगरी, ‘जेन-जी’ का तर्फबाट सामना लाओती, पेमा वाङ्बो, श्रेया सिङ, अनुरोध घर्ती लगायतका प्रतिनिधि सहभागी हुनुहुन्थ्यो।
What if you could work from Anywhere?
Explore More with something that can change your Life!





प्रतिक्रिया दिनुहोस्