काठमाडौँ, असोज १९ गते । देशका अधिकांश प्रदेशमा आज मौसम बदली रहने तथा विभिन्न स्थानमा वर्षा र हिमपातको सम्भावना रहेको मौसम पूर्वानुमान महाशाखाले जनाएको छ। महाशाखाले आगामी २४ घण्टामा कोशी, बागमती, गण्डकी र लुम्बिनी प्रदेशका हिमाली तथा पहाडी भू–भागका केही स्थानमा मध्यमसम्मको वर्षा तथा हिमपात हुन सक्ने जनाएको हो।
महाशाखाका अनुसार आज दिउँसो कोशी, बागमती, गण्डकी र लुम्बिनी प्रदेशका साथै कर्णाली र सुदूरपश्चिम प्रदेशका पहाडी भू–भागमा साधारणतया बदली रहनेछ। कर्णाली र सुदूरपश्चिमका हिमाली भू–भाग तथा देशका बाँकी तराई क्षेत्रमा भने आंशिक बदली रहने पूर्वानुमान छ।
कोशी, बागमती, गण्डकी र लुम्बिनी प्रदेशका हिमाली तथा पहाडी भू–भागका थोरै स्थानमा मध्यमसम्मको वर्षा तथा हिमपात हुने सम्भावना रहेको छ।
त्यस्तै, कर्णाली र सुदूरपश्चिम प्रदेशका हिमाली भू–भागका एक–दुई स्थानमा हल्का वर्षा तथा हिमपात हुन सक्नेछ। ती प्रदेशका पहाडी भू–भागका थोरै स्थानमा भने मध्यमसम्मको वर्षा हुने सम्भावना रहेको महाशाखाले जनाएको छ।
तराईमा पनि वर्षाको सम्भावना
आज दिउँसो मधेश प्रदेशसहित कोशी, बागमती, गण्डकी र लुम्बिनी प्रदेशका तराई भू–भागका थोरै स्थानमा मध्यमसम्मको वर्षा हुन सक्नेछ। सुदूरपश्चिम प्रदेशका एक–दुई स्थानमा पनि मध्यमसम्मको वर्षाको सम्भावना रहेको छ।
यसका कारण विशेषगरी पहाडी तथा हिमाली क्षेत्रमा यात्रा गर्ने सर्वसाधारणले मौसमको अवस्थालाई ध्यान दिनुपर्ने देखिएको छ।
राति पनि बदलीसँगै वर्षाको सम्भावना
आज राति कोशी, मधेश, बागमती, गण्डकी र लुम्बिनी प्रदेशमा साधारणतया बदली रहनेछ। कर्णाली प्रदेशको पहाडी तथा सुदूरपश्चिम प्रदेशका पहाडी र तराई भू–भागमा पनि साधारणतया बादल लाग्नेछ।
कर्णाली र सुदूरपश्चिम प्रदेशका हिमाली भू–भागमा भने आंशिक बदली रहनेछ।
राति कोशी, बागमती र गण्डकी प्रदेशका हिमाली भू–भागका एक–दुई स्थानमा हल्का वर्षा तथा हिमपात हुन सक्नेछ। कोशी, बागमती, गण्डकी, कर्णाली र सुदूरपश्चिम प्रदेशका पहाडी भू–भागका थोरै स्थानमा मध्यमसम्मको वर्षाको सम्भावना रहेको छ।
यस्तै, मधेश प्रदेशसहित कोशी, बागमती र गण्डकी प्रदेशका तराई भू–भागका थोरै स्थानमा मध्यमसम्मको वर्षा हुन सक्नेछ। लुम्बिनी प्रदेशका पहाडी तथा तराई भू–भाग र सुदूरपश्चिम प्रदेशको तराई क्षेत्रका एक–दुई स्थानमा पनि मध्यमसम्मको वर्षाको सम्भावना रहेको छ।
पश्चिमी र मनसुनी वायुको प्रभाव
मौसम पूर्वानुमान महाशाखाका अनुसार हाल कर्णाली र सुदूरपश्चिम प्रदेशका सबै भू–भाग तथा गण्डकी र लुम्बिनी प्रदेशका पश्चिमी भू–भागमा पश्चिमी वायुको प्रभाव रहेको छ।
त्यस्तै, कोशी, मधेश र बागमती प्रदेशका सबै भू–भाग तथा गण्डकी र लुम्बिनी प्रदेशका बाँकी भू–भागमा मनसुनी वायुका साथै पश्चिमी वायुको आंशिक प्रभाव रहेको छ।
यी मौसमी प्रणालीको प्रभावका कारण आगामी २४ घण्टामा देशका विभिन्न स्थानमा बदलीसँगै वर्षा तथा हिमपातको सम्भावना रहेको महाशाखाले जनाएको छ।
What if you could work from Anywhere?
Explore More with something that can change your Life!
