एक्सट्रिम इनर्जी ड्रिंकद्वारा कप्तान सन्दीप लामिछानेसहित ९ क्रिकेट खेलाडीसँग सम्झौता: एनपीएलका ७ टोली अङ्कित विशेष क्यान सार्वजनिक

काठमाडौँ, असोज १९ गते । एक्सट्रिम इनर्जी ड्रिंकले राष्ट्रिय क्रिकेट टोलीका कप्तान सन्दीप लामिछानेसहित ९ जना प्रमुख खेलाडीहरूसँग ब्रान्ड साझेदारी (ब्राण्ड एम्बेसेडर) गरेको छ। काठमाडौँमा आयोजित एक विशेष कार्यक्रमका बीच कम्पनी र खेलाडीहरूबीच औपचारिक सम्झौता पत्रमा हस्ताक्षर भएको हो।

‘टिम एक्सट्रिम’ को सदस्यका रूपमा आबद्ध हुने खेलाडीहरूमा कप्तान सन्दीप लामिछानेका साथै रोहित पौडेल, सोमपाल कामी, आसिफ शेख, ललितनारायण राजवंशी, शेर मल्ल, इशान पाण्डे, करण केसी र लोकेश बम रहेका छन्। सम्झौता अनुसार अब यी खेलाडीहरूले प्रयोग गर्ने क्रिकेट ब्याटमा एक्सट्रिम इनर्जी ड्रिंकको लोगो रहनेछ भने उनीहरू कम्पनीका विभिन्न प्रवर्द्धनात्मक र खेलकुद सम्बन्धी गतिविधिहरूमा सहभागी हुनेछन्।

कार्यक्रममा नेपाल प्रिमियर लिग (एनपीएल) को तेस्रो सिजनलाई लक्षित गर्दै सात फ्रेन्चाइज टोलीको पहिचान समेटिएको एक्सट्रिमको विशेष संस्करणको क्यानसमेत सार्वजनिक गरिएको छ। एक्सट्रिमले एनपीएल सिजन ३ का लागि काठमाडौँ गोर्खाज, चितवन राइनोज, विराटनगर किंग्स, पोखरा एभेन्जर्स, लुम्बिनी लायन्स, जनकपुर बोल्ट्स र कर्णाली याक्स गरी सात टोलीको मुख्य प्रायोजन (Main Sponsor) गरेको छ।

नेपाली क्रिकेटको विकास र युवापुस्तालाई खेलकुदप्रति आकर्षित गर्ने उद्देश्यले गरिएको यो साझेदारीसँगै आगामी कात्तिक ९ गतेदेखि सुरु हुने एनपीएलको उत्साह थप बढेको छ। यस पटकको एनपीएलमा मोइन अली, डेविड वार्नर, जिम्मी निसम, चरित असलाङ्का र शाकिब अल हसन जस्ता अन्तर्राष्ट्रिय स्टार खेलाडीहरू समेत नेपाल आउँदै छन्।

साझेदारी तथा एनपीएलका मुख्य विवरणहरू