काठमाडौँ, साउन १३ गते । चालू वर्षको सुरुवाती तीन महिना (वैशाखदेखि असारसम्म) मा १४ वटा नेपाली चलचित्र प्रदर्शनमा आएका छन्। तर, यीमध्ये जम्मा ४ वटा चलचित्रले मात्र बक्स अफिसमा एक करोड रुपियाँभन्दा बढीको ग्रस कलेक्सन गर्न सफल भएका छन्।
चलचित्र विकास बोर्डको तथ्याङ्क अनुसार वैशाख २५ गतेबाट प्रदर्शनमा आएको ‘लालीबजार’ ले ९ करोड ३२ लाख ९ हजार ९२५ रुपियाँ कमाउँदै वर्षकै सर्वाधिक सफल चलचित्र बनेको छ। यो चलचित्रले ५१ औँ दिनसमेत पूरा गरेको छ।
त्यस्तै अन्य सफल चलचित्रहरूमा:
‘परालको आगो’: ४ करोड २८ लाख रुपियाँ
‘रोल नं. १’: १ करोड ७८ लाख २३ हजार ९०८ रुपियाँ
‘मितज्यू’: १ करोड ३२ लाख रुपियाँ
असार महिनामा रिलिज भएका अन्य धेरै चलचित्रको व्यापार भने निकै निराशाजनक रह्यो। जितु नेपालको ‘आई एम जितबहादुर’ ले ३१ लाख ७ हजार ६९२ रुपियाँ मात्र कमाउन सक्यो भने ‘भागदौड’ ले सबैभन्दा कम १ लाख १९५ रुपियाँ मात्र कलेक्सन गर्यो।
अपेक्षाकृत अनुकूल समय नमिल्नु, बर्खायाम र विश्वकप फुटबल जस्ता कारणले गर्दा ठुलो लगानीमा बनेका चलचित्रले पनि घाटा सहनुपरेको चलचित्रकर्मीहरू बताउँछन्।
What if you could work from Anywhere?
Explore More with something that can change your Life!













प्रतिक्रिया दिनुहोस्