काठमाडौँ, भदौ २५ गते । भदौ १० गते भोटेकोशी नदीमा आएको विनाशकारी बाढीपछि हालसम्म १३ देशका ३११ जना विदेशी पर्यटकको सकुशल उद्धार गरिएको छ।
पर्यटन विभागका अनुसार उद्धार गरिएकामा सबैभन्दा बढी भारतका १७५ र चीनका १११ जना रहेका छन्। यद्यपि, बाढीपछि ३६ देशका ५८७ जना पर्यटक अझै सम्पर्कविहीन रहेको र उनीहरूको खोजी कार्य जारी रहेको विभागले जनाएको छ।
यसैबिच, नेपाल वायुसेवा निगमले आफ्नो संस्थागत सामाजिक उत्तरदायित्व (CSR) अन्तर्गत बाढीपीडितका लागि अन्तर्राष्ट्रिय स्टेसनहरूबाट पठाइने राहत सामग्रीको हवाई ढुवानीमा पूर्ण शुल्क छुट दिने निर्णय गरेको छ।
सम्बन्धित नेपाली दूतावासको आधिकारिक पत्रका आधारमा खाद्यान्न, औषधी तथा लत्ताकपडा जस्ता आवश्यक सामग्री एक महिनासम्म नि:शुल्क ढुवानी गरिनेछ।
सरकार तथा राष्ट्रिय/अन्तर्राष्ट्रिय नियोगहरूले उद्धार र राहत कार्यलाई तीव्रता दिइरहेका छन्। निगमको यस सहुलियतपूर्ण निर्णयले विदेशस्थित सङ्घसंस्था तथा मित्रराष्ट्रहरूबाट प्राप्त हुने राहत सामग्री बाढी प्रभावित क्षेत्रसम्म छिटो र सहज रूपमा पुर्याउन ठूलो मद्दत पुग्ने विश्वास लिइएको छ।
What if you could work from Anywhere?
Explore More with something that can change your Life!
