प्रधानमन्त्री वालेन्द्र शाह र मन्त्रीहरूबिच कार्यसम्पादन सम्झौता सम्पन्न

काठमाडौँ, भदौ ३ गते । प्रधानमन्त्री वालेन्द्र शाहसँग नेपाल सरकारका मन्त्रीहरूले चालु आर्थिक वर्षमा गरिने मुख्य-मुख्य काम तथा लक्ष्य हासिल गर्नका लागि कार्यसम्पादन सम्झौता गर्नुभएको छ। सिंहदरबारस्थित प्रधानमन्त्री तथा मन्त्रिपरिषद्को कार्यालयमा आयोजित एक कार्यक्रमबिच प्रधानमन्त्री शाह र मन्त्रीहरूले सम्झौता पत्रमा हस्ताक्षर गरी प्रति आदानप्रदान गर्नुभयो।

प्रधानमन्त्रीका प्रेस तथा अनुसन्धानविज्ञ दीपा दाहालका अनुसार सुशासन, सामाजिक न्याय र समृद्धिका प्राथमिकता प्राप्त क्षेत्रहरूलाई केन्द्रमा राखेर यो कार्यसम्पादन सम्झौता गरिएको हो।

सम्झौता गर्ने मन्त्री तथा अधिकारीहरू:

अर्थमन्त्री: डा. स्वर्णिम वाग्ले
परराष्ट्रमन्त्री: शिशिर खनाल
ऊर्जा, जलस्रोत तथा सिँचाइमन्त्री: विराज भक्त श्रेष्ठ
गृहमन्त्री: सुधन गुरुङ
कानुन, न्याय तथा संसदीय मामिलामन्त्री: सोविता गौतम
विज्ञान, प्रविधि तथा नवप्रवर्तनमन्त्री: महावीर पुन
महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षामन्त्री: सीता बादी
भूमि व्यवस्था, सहकारी, सङ्घीय मामिला तथा सामान्य प्रशासनमन्त्री: प्रतिभा रावल
स्वास्थ्य तथा खाद्य स्वच्छतामन्त्री: निशा मेहता
शिक्षा तथा खेलकुदमन्त्री: सस्मित पोखरेल
संस्कृति, पर्यटन तथा नागरिक उड्डयनमन्त्री: खडक राज पौडेल
सूचना तथा सञ्चारमन्त्री: डा. विक्रम तिमिल्सिना
कृषि, वन तथा पर्यावरणमन्त्री: गीता चौधरी
उद्योग, वाणिज्य तथा आपूर्तिमन्त्री: गौरी कुमारी

यसका साथै, नेपाल सरकारका मुख्यसचिव गोविन्दबहादुर कार्कीले पनि आजै प्रधानमन्त्री शाहसमक्ष कार्यसम्पादन सम्झौता गर्नुभएको छ।