कुलेश्वरमा गोली चल्यो, तीन लागुऔषध कारोबारी नियन्त्रणमा

काठमाडौँ, साउन ३ गते । काठमाडौँ महानगरपालिकाको कुलेश्वर पुल नजिकै प्रहरीले गोली चलाइ तीन जना लागुऔषध कारोबारीलाई नियन्त्रणमा लिइएको छ ।

लागु औषध नियन्त्रण ब्यूरोका प्रहरी वरिष्ठ उपरीक्षक सुवास चन्द्र बोहराका अनुसार आइतबार दिउँसो साढे ४ बजे गोप्य सूचनाको आधारमा एक जना भारतीय नागरिकसहित तीन जना पक्राउ परेका हुन् ।

उहाँका अनुसार उनीहरु भारतदेखि ठूलो परिमाणमा लागुऔषध ओसार-पसार गरी बेचबिखन अपराधमा सङ्लग्न रहँदै आएका थिए । प्रहरीमाथि आक्रमण भएपछि गोली प्रहार गरी नियन्त्रणमा लिइएको उहाँको भनाइ छ ।

घटनाको विस्तृत विवरण र पक्राउ परेका नागरिकको विस्तृत विवरण आउन भने बाँकी छ ।