काठमाडौँ, असार ३१ गते । नेपाली क्रिकेट प्रशंसकहरूका लागि एउटा निकै खुसीको खबर छ! नेपालले सन् २०२८ मा आयोजना हुने आईसिसी टी–२० विश्वकप सहभागिताको लागि अब सोझै ग्लोबल छनोट (Global Qualifiers) खेल्ने मौका पाएको छ। अन्तर्राष्ट्रिय क्रिकेट परिषद् (आईसिसी) ले छनोट प्रक्रियामा महत्त्वपूर्ण परिवर्तन गरेपछि नेपाललाई यो सुनौलो अवसर जुरेको हो।
कसरी भयो नेपाललाई फाइदा?
केही महिनाअघि सम्पन्न टी–२० विश्वकपमा नेपाल समूह चरणबाटै बाहिरिएको थियो। तर, आईसिसीको नयाँ नियमानुसार सन् २०२६ को विश्वकप खेलेका तर आगामी संस्करणका लागि स्वतः स्थान बनाउन नसकेका टोलीहरूलाई सोझै ग्लोबल छनोटमा मौका दिने निर्णय गरिएको छ। आईसिसीको यो नयाँ प्रावधानले गर्दा नेपालले अब विश्वकपमा पुग्नका लागि एसियाली छनोट (क्षेत्रीय छनोट) खेल्नु पर्ने छैन।
के हो ग्लोबल छनोटको नयाँ ढाँचा?
अब नेपालले सोझै विश्वको उत्कृष्ट टोलीहरूसँग प्रतिस्पर्धा गर्नेछ। यस ग्लोबल छनोटमा:
- अघिल्लो विश्वकपबाट सिधै छनोट हुन नसकेका ८ टोली
- विभिन्न क्षेत्रीय छनोट पार गरेर आउने ८ टोली
- कुल १६ टोली बीच विश्वकपको टिकटका लागि भिडन्त हुनेछ।
आईसिसीको अर्को ठुलो परिवर्तन: ‘सुपर १०’ को व्यवस्था
विश्वकपलाई अझ बढी रोमाञ्चक र प्रतिस्पर्धात्मक बनाउन आईसिसीले नियममा अर्को हेरफेर पनि गरेको छ। यसअघि समूह चरणपछि ‘सुपर आठ’ मा पुग्ने टोलीले मात्र आगामी विश्वकपमा सोझै स्थान पाउने व्यवस्था रहेकोमा, अब दुई टोली थप गरेर ‘सुपर १०’ सम्मका टोलीलाई सोझै विश्वकप खेल्ने मौका दिइने भएको छ।
क्यानको सहभागिता: स्कटल्यान्डमा सम्पन्न आईसिसीको वार्षिक सम्मेलनले पुरुष टी–२० विश्वकपको यो नयाँ फरम्याट पारित गरेको हो। उक्त महत्त्वपूर्ण बैठकमा नेपाल क्रिकेट सङ्घ (क्यान) का अध्यक्ष चतुरबहादुर चन्द र सचिव पारस खड्काको समेत सहभागिता रहेको थियो।
What if you could work from Anywhere?
Explore More with something that can change your Life!
