‘विश्वविद्यालयमा प्राज्ञिक सुधार गर्नूस्’

काठमाडौँ, असार ३१ गते । प्रधानमन्त्री वालेन्द्र शाह र विभिन्न विश्वविद्यालयका उपकुलपतिहरूबीच सिंहदरबारमा भएको छलफलमा उच्च शिक्षा क्षेत्रको सुधारका लागि महत्त्वपूर्ण निर्देशन र सामूहिक प्रतिबद्धताहरू तय भएका छन्:

१. प्रधानमन्त्री शाहका प्रमुख निर्देशनहरू:

• विकेन्द्रीकृत दीक्षान्त समारोह: संघीय राजधानीमा मात्र सीमित हुँदै आएको दीक्षान्त समारोह (कन्भोकेसन) लाई अबदेखि सातै प्रदेशमा आयोजना गरी विकेन्द्रीकृत गर्न निर्देशन।
• आर्थिक अनुशासन र बेरुजु फर्स्यौट: विश्वविद्यालयहरूमा वर्षौंदेखि थुप्रिएको बेरुजु तत्काल घटाउन र आर्थिक अनुशासन कायम गर्न निर्देशन।
• सम्पत्ति संरक्षण: अतिक्रमणमा परेका विश्वविद्यालयका जग्गा र सरकारी रकम तत्काल फिर्ता ल्याई संरक्षण गर्न निर्मम बन्न निर्देशन।
• वातावरण सुधार: क्याम्पसहरूमा नियमित सरसफाइ कायम राख्न निर्देशन।

२. उपकुलपतिहरूको साझा प्रतिबद्धता:

• दलीय राजनीतिमुक्त शैक्षिक थलो: प्राज्ञिक वातावरण जोगाउन विश्वविद्यालयहरूमा विद्यार्थी युनियनलगायत राजनीतिक गतिविधि गर्न नदिने संकल्प।
• शैक्षिक क्यालेन्डरको कडाइका साथ पालना: भर्ना, पठनपाठन र परीक्षा निर्धारित समयमै गर्ने तथा परीक्षा सकिएको बढीमा एक महिनाभित्र अनिवार्य रूपमा नतिजा प्रकाशन गर्ने कार्ययोजना।
• पारदर्शिता र सुशासन: प्रशासनिक, आर्थिक र प्राज्ञिक क्षेत्रमा व्यापक सुधार गर्दै वित्तीय अनुशासन र पारदर्शिता सुदृढ गर्ने प्रतिबद्धता।

३. विश्वविद्यालयका विद्यमान साझा चुनौतीहरू:

• स्वीकृत दरबन्दी अनुसार आवश्यक जनशक्तिको अभाव हुनु।
• स्वामित्वमा रहेका अर्बौंका जग्गाहरू अतिक्रमणको चपेटामा पर्नु र तिनको संरक्षण हुन नसक्नु।
• विश्वविद्यालयहरूबीच समन्वय नहुँदा समग्र प्रणाली डिजिटलाइज्ड हुन नसक्नु।
• आधुनिक अनुसन्धान, प्रविधिमैत्री कक्षाकोठा र नवप्रवर्तन (इनोभेसन) संस्कृतिको विकास हुन नसक्नु।