देशभर वर्षा र हिमपातको सम्भावना: कोशी, बागमती र सुदूरपश्चिमका केही स्थानमा भारी वर्षाको चेतावनी

काठमाडौँ, असोज २३ गते । पश्चिमी न्यून चापीय प्रणाली र मनसुनी वायुको प्रभावका कारण देशका विभिन्न भागमा मेघगर्जन, चट्याङ, हुरी र असिनासहित वर्षा तथा हिमपातको सम्भावना रहेको जल तथा मौसम पूर्वानुमान महाशाखाले जनाएको छ। शुक्रबार दिउँसो र राति कोशी, बागमती र सुदूरपश्चिम प्रदेशका पहाडी भूभागका साथै कोशी प्रदेशका तराई क्षेत्रमा भारी वर्षाको सम्भावना रहेको छ।

महाशाखाका अनुसार हाल देशका पहाडी तथा हिमाली भाग, मधेस प्रदेश र कोशी, बागमती तथा गण्डकी प्रदेशका तराई क्षेत्रमा साधारणतया बदली (बादल) लागेको छ। बागमती, गण्डकी र लुम्बिनी प्रदेशका एक-दुई स्थानमा मेघगर्जन र चट्याङसहित मध्यम वर्षा भइरहेको छ भने देशभरको तापक्रममा हल्का गिरावट आउने सम्भावना छ।

दिउँसो र रातिको समयमा देशका हिमाली तथा पहाडी भूभागका केही स्थानहरूमा चट्याङ, हुरी र असिनासहित मध्यम वर्षा तथा उच्च पहाडी र हिमाली क्षेत्रमा हिमपातको सम्भावना रहेको छ। मधेस प्रदेशसहित कोशी, बागमती, गण्डकी र लुम्बिनी प्रदेशका तराईका केही स्थानमा समेत वर्षा हुने महाशाखाको बुलेटिनमा उल्लेख छ।

मौसममा आएको यो परिवर्तन र भारी वर्षाको सम्भावनालाई दृष्टिगत गर्दै महाशाखाले सर्वसाधारण तथा कृषि क्षेत्रमा संलग्न कृषक र सम्बन्धित निकायहरूलाई नियमित मौसमी सूचना र पूर्वानुमानप्रति सचेत रहँदै आवश्यक पूर्वतयारी एवं सतर्कता अपनाउन आग्रह गरेको छ।

प्रदेशगत मौसम तथा वर्षाको सम्भावना