गगन थापाको राजनीतिक प्रतिवेदन: विगतको आत्मसमीक्षा, चुनावपूर्व गठबन्धन नगर्ने नीति र प्रधानमन्त्रीको दुई कार्यकाल सीमा

काठमाडौँ, असोज १८ गते । नेपाली कांग्रेसका सभापति गगनकुमार थापाले १५औँ महाधिवेशनका लागि आगामी चार वर्षको वैचारिक, राजनीतिक र संगठनात्मक कार्यदिशा समेटिएको विस्तृत राजनीतिक प्रतिवेदन तयार पार्नुभएको छ।

प्रतिवेदनमा विगत दुई दशकमा पार्टीले मूल उद्देश्य छाडेर पद र सत्तालाई प्राथमिकता दिएको, गुटबन्दी, भागबन्डा र भ्रष्टाचारमा आफ्ना मान्छे जोगाउने प्रवृत्तिले नैतिक धरातल कमजोर भएको भन्दै स्पष्ट आत्मसमीक्षा र नागरिकसँग क्षमायाचना गरिएको छ।

प्रतिवेदनले आगामी निर्वाचनमा कुनै पनि दलसँग निर्वाचनपूर्व गठबन्धन नगर्ने र आफ्नै चुनाव चिह्न ‘रुख‘ तथा एजेन्डासहित जनतामाझ जाने दृढ नीति अघि सारेको छ।

साथै, ३८ सिटसहित संसद्मा प्रभावकारी प्रतिपक्षको भूमिका निर्वाह गर्न सरकारका मन्त्रालयहरूको निगरानीका लागि ‘छायाँ सरकार‘ गठन गर्ने र उम्मेदवार छनोटमा Primary Election (प्राथमिक निर्वाचन) र सार्वजनिक मतसर्वेक्षणलाई आधार बनाउने प्रस्ताव गरिएको छ।

वैचारिक नवीकरणतर्फ बीपी कोइरालाको समाजवादलाई आधुनिक सामाजिक बजार अर्थतन्त्रसँग जोड्दै ‘समुन्नत नेपाल, सम्मानित नेपाली‘ को अवधारणा ल्याइएको छ। आर्थिक क्षेत्रमा निजी क्षेत्रलाई उत्पादन र रोजगारीको मुख्य इन्जिन मान्दै ‘पूर्ववितरणात्मक न्याय‘ को नीति प्रस्ताव गरिएको छ।

यसैगरी, प्रधानमन्त्रीमा कुनै पनि व्यक्ति दुई कार्यकालभन्दा बढी रहन नपाउने संवैधानिक व्यवस्थाका लागि पहल गर्ने र दलभित्र दलीय भागबन्डा नगर्ने ‘के गर्नेछैनौँ’ भन्ने सार्वजनिक प्रतिबद्धतासमेत प्रतिवेदनमा समेटिएको छ।

प्रतिवेदनमा पार्टीभित्र भ्रष्टाचार नियन्त्रणका लागि स्वतन्त्र ‘ओम्बुड्सम्यान‘ गठन गर्ने, शहीद तथा घाइते परिवारका लागि १० करोड रुपियाँको अक्षय कोष खडा गर्ने, र Open-source नागरिक ड्यासबोर्डमार्फत विकास निर्माणको real-time अनुगमन गर्ने जस्ता नवीन कार्यक्रमहरू राखिएका छन्।

यस प्रतिवेदनले कांग्रेसलाई केवल चुनाव जित्ने संयन्त्रबाट बदलेर नागरिकसँग निरन्तर जोडिने र परिणाममुखी नेतृत्व दिने पुनर्जागृत संस्था बनाउने लक्ष्य राखेको छ।

राजनीतिक प्रतिवेदनका मुख्य बुँदाहरू