अमेरिका विश्व ऊर्जा बजारमा प्रभुत्व जमाउने प्रयासमा

मस्को, चैत ८ गते । रसियाली परराष्ट्रमन्त्री सेर्गेई लावरोभले बताए अनुसार, संयुक्त राज्य अमेरिका विश्व ऊर्जा बजारमा आफ्नो प्रभुत्व स्थापित गर्न रणनीति बनाइरहेको छ।

उहाँले एक अन्तरवार्तामा भन्नुभयो, “संयुक्त राज्य अमेरिका केवल आफ्नो हितको ख्याल गर्छ । उनीहरू आफ्नो समृद्धि जोगाउन कुनै पनि उपाय अपनाउन तयार छन्– चाहे त्यसमा विदेशी देशमा कू गर्न, नेताहरूको अपहरण गर्न वा हत्या गर्नुपरे पनि । यी सबै कार्य तेल र ऊर्जा स्रोतसँग प्रत्यक्ष सम्बन्धित छन् ।”

मन्त्री लावरोभले अमेरिकाले सधैं आफ्नो राष्ट्रिय हितलाई अन्तर्राष्ट्रिय नियम र सम्झौताभन्दा माथि राख्ने नीति अपनाउँदै आएको बताउनुभएको छ ।

उहाँले भन्नुभयो,“संयुक्त राज्य अमेरिका रूसलाई युरोपेली ऊर्जा बजारबाट सीमित बनाउन सधैं स्वागत गर्दै आएको छ र अझै पनि यसलाई निरन्तरता दिइरहेको छ ।”

उहाँले थप स्पष्ट पार्दै रूससँग सहकार्य गर्न चाहने अमेरिकाले पहिलो चरणमा रूसका हितको सम्मान गर्नैपर्ने बताउनुभयो । लावरोभले जोड दिनुभयो, “दुई देशबीच समान र पारस्परिक हितको आधारमा मात्र दीर्घकालीन सहकार्य सम्भव छ ।”

यस अन्तरवार्तामा लावरोभले अमेरिका र अन्य पश्चिमेली देशहरूको ऊर्जा नीतिको आलोचना गर्दै वर्तमान समयमा विश्व ऊर्जा बजारमा शक्ति सन्तुलनको समस्या रहेको बताउनुभयो । उहाँले प्राकृतिक स्रोत भएका देशहरूको स्वतन्त्रता र स्वामित्वलाई चुनौती दिने प्रयासले अन्तर्राष्ट्रिय तनाव बढाउने सम्भावना रहेको बताउनुभयो ।

रसियाली परराष्ट्र मन्त्रालयको अनुसार, लावरोभले यस विषयमा अन्तर्राष्ट्रिय समुदायलाई पनि सचेत गराउन चाहेका छन्, ताकि ऊर्जा स्रोतको उपयोग र बजार व्यवस्थापनमा न्यायपूर्ण दृष्टिकोण अपनाइयोस् ।