लुम्बिनी प्रदेश सरकार गठनमा तीन दलको सहकार्य: दुई बुँदे सहमतिपत्रमा हस्ताक्षर

काठमाडौँ, साउन २७ गते । लुम्बिनी प्रदेशमा नयाँ सरकार गठन र समसामयिक राजनीतिक विषयमा सहकार्य गर्न नेपाल कम्युनिस्ट पार्टी (एमाले), नेपाली कम्युनिस्ट पार्टी र नेपाल कम्युनिस्ट पार्टी (मसाल) बिच दुई बुँदे सहमति भएको छ।

बुधबार तीन दलका शीर्ष नेताबिच भएको छलफलपछि एमाले अध्यक्ष केपी शर्मा ओली, नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ र नेकपा (मसाल) का महामन्त्री मोहनविक्रम सिंहले उक्त सहमतिपत्रमा हस्ताक्षर गर्नुभएको हो।

सहमति अनुसार तीनै दलले लुम्बिनी प्रदेश सरकार गठन र प्रदेशको विकास निर्माणका कार्यमा एकापसमा सहकार्य गर्नेछन्। यसका साथै, राष्ट्रिय स्वाधीनता, संविधान र गणतन्त्रको रक्षा गर्दै प्रतिगमनका विरुद्ध आन्दोलनमा समेत संयुक्त रूपमा अगाडि बढ्ने प्रतिबद्धता जनाइएको छ। यो सहमतिसँगै लुम्बिनी प्रदेशमा नयाँ सरकार गठनको ढोका खुलेको छ।