काठमाडौँ — २०८३ आश्विन १४ गते, साँझ ६:०० बजे। जल तथा मौसम विज्ञान विभागका अनुसार आगामी २४ घण्टामा देशका हिमाली तथा पहाडी भू–भागमा आंशिकदेखि सामान्य बदली रहनेछ भने तराई क्षेत्रमा मौसम मुख्यतया सफा रहने पूर्वानुमान गरिएको छ।
आज राति
आज राति कोशी र बागमती प्रदेशका हिमाली तथा पहाडी भू–भागमा सामान्यतया बादल लाग्ने सम्भावना छ। त्यस्तै गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी क्षेत्रमा आंशिक बदली रहनेछ।
देशका तराई भू–भागमा मौसम मुख्यतया सफा रहने विभागले जनाएको छ। कोशी र बागमती प्रदेशका हिमाली तथा पहाडी भू–भागका एक–दुई स्थानमा हल्का वर्षा तथा हिमपात हुन सक्ने सम्भावना छ।
भोलि दिउँसो
भोलि दिउँसो देशका हिमाली र पहाडी भू–भागमा सामान्यतया बादल लाग्नेछ भने तराई भू–भागमा आंशिक बदली रहनेछ।
कोशी र बागमती प्रदेशका हिमाली तथा पहाडी भू–भागका थोरै स्थानमा तथा गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भू–भागका एक–दुई स्थानमा हल्का वर्षा/हिमपात हुने सम्भावना रहेको छ।
मौसम प्रणालीको अवस्था
विभागका अनुसार हाल मनसुनको न्यून चापीय रेखा सरदर स्थानको आसपास रहेको छ। साथै, देशभर मनसुनी वायु र पश्चिमी वायुको आंशिक प्रभाव रहेको छ।
यस मौसमी अवस्थाका कारण विशेषगरी हिमाली तथा पहाडी क्षेत्रमा यात्रा गर्नेहरूले मौसममा हुन सक्ने परिवर्तनलाई ध्यान दिन विभागले सुझाव दिएको छ।
श्रोत :मौसम पूर्वानुमान
What if you could work from Anywhere?
Explore More with something that can change your Life!
