काठमाडौँ, भदौ ९ गते । मलेसियामा आयोजना हुने एसीसी प्रिमियर कप क्रिकेट प्रतियोगिताको तयारीमा रहेको नेपालले घरेलु टोली मलेसियालाई अभ्यास खेलमा नौ विकेटले पराजित गरेको छ। मलेसियाको सेलाङ्गोर टर्फ मैदानमा भएको खेलमा नेपालले शानदार पुनरागमन गर्दै सहज जित निकाल्यो।
जितको लागि मलेसियाले दिएको २३३ रनको लक्ष्य पछ्याउने क्रममा वर्षाले खेल अवरुद्ध भएपछि निर्धारित ५० ओभरको खेललाई ४८ ओभरमा झारियो। त्यससँगै नेपालले ४८ ओभरमा २२८ रनको संशोधित लक्ष्य प्राप्त गर्यो। नेपालले उक्त लक्ष्य २८ ओभरमा एक विकेट मात्र गुमाएर पूरा गर्यो।
आसिफ शेखको तुफानी अर्धशतक
नेपालको जितको नायक बने ओपनर आसिफ शेख, जसले ८५ बलमा १२ चौका र १२ छक्का को मद्दतले १६१ रन बनाए। उनको ब्याटिङले मलेसियाका बलरहरूलाई निकै चुनौती दियो। त्यस्तै, अर्जुन कुमाल ६१ रनमा अविजित रहे।
त्यसअघि टस जितेर पहिले ब्याटिङ गरेको मलेसियाले ४८.२ ओभरमा २३२ रन बनाउँदा सबै विकेट गुमाएको थियो। मलेसियाका लागि मुहम्मद स्याहादात रामलीले सर्वाधिक ६१ रन बनाए भने सैफुल्लाह मलिकले ४५, साइद अजिजले ४० र विरानदीप सिंहले ३९ रनको योगदान दिए।
<h२>सन्दीपको बलिङ आक्रमण
बलिङतर्फ नेपालका कप्तान सन्दीप लामिछानेले ४ विकेट लिए । त्यस्तै करण केसीले २ विकेट लिँदा ललित राजवंशी र दीपेन्द्रसिंह ऐरीले समान १–१ विकेट लिए। नेपालको बलिङ आक्रमणले मलेसियाका ब्याट्सम्यानलाई बलियो दबाबमा राख्यो।
भदौ १४ मा एसीसी प्रिमियर कप सुरु
यही भदौ १४ गते देखि मलेसियामा नै आयोजना हुने एसिसी प्रिमियर कप क्रिकेट प्रतियोगिता को तयारी स्वरुप नेपालले उक्त अभ्यास खेल खेलेको हो।
सो प्रतियोगितामा नेपाल समूह ‘ए’ मा रहेको छ। नेपालको समूहमा मलेसियासँगै हङकङ, बहराइन र साउदी अरेबिया रहेका छन्।
त्यस्तै समूह ‘बी’ मा संयुक्त अबर इमिरेट्स (युएई), ओमान, कुवेत, कतार र सिङ्गापुर रहेका छन्। नेपालले आफ्नो पहिलो खेल भदौ १५ गते बहराइनसँग खेल्दै प्रतियोगिताको उद्घाटन गर्ने छ।
What if you could work from Anywhere?
Explore More with something that can change your Life!
