कञ्चनपुर, भदौ ७ गते । भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले भूमिसम्बन्धी समस्याको दीर्घकालीन समाधानका लागि सङ्घ, प्रदेश र स्थानीय तीनै तहका सरकारहरूबीच प्रभावकारी समन्वय र जिम्मेवारीबोध आवश्यक रहेको बताउनुभएको छ।
कञ्चनपुरको दोधारा चाँदनी नगरपालिकामा आयोजित कार्यक्रममा बोल्दै मन्त्री रावलले भूमिहीन तथा सुकुम्बासीका समस्या समाधानलाई सरकारले उच्च प्राथमिकतामा राखेर काम गरिरहेको स्पष्ट पार्नुभयो। कुनै एक तहको सरकारले सहयोग नगर्दा सम्पूर्ण पालिकाभरिकै सुकुम्बासीहरू लालपूर्जा पाउनबाट वञ्चित हुनसक्ने भएकाले सबैलाई एकजुट भएर काम गर्न उहाँले आग्रह गर्नुभयो।
मन्त्री रावलले भूमि समस्या जुनसुकै दल वा विचारसँग जोडिएको भए पनि पीडितको पक्षमा सबै राजनीतिक दलहरू एउटै ठाउँमा उभिनुपर्नेमा जोड दिनुभयो। समयमै पीडितका समस्याबारे जानकारी पाएको भए धेरैजसो विषयहरू अहिलेसम्म समाधानको दिशामा गइसक्ने उल्लेख गर्दै उहाँले नीतिगत सुधारका लागि आवश्यक छलफल भइरहेको र सबै पीडितले न्यायोचित सम्बोधन पाउनेमा ढुक्क हुन आश्वस्त पार्नुभयो।
आफ्नो भ्रमणका क्रममा मन्त्री रावलले जिल्ला प्रशासन कार्यालय कञ्चनपुरमा भूमि administration, नापी कार्यालय तथा स्थानीय तहका प्रमुखहरूसँग समस्या समाधानबारे गहन छलफल गर्नुभयो। यसका साथै उहाँले महेन्द्रनगरस्थित निर्माणाधीन मझगाउँ विमानस्थल र दोधारा चाँदनीस्थित प्रस्तावित सुक्खा बन्दरगाहको स्थलगत अवलोकन गरी विकास निर्माणका कार्यहरूको अवस्थाबारे समेत जानकारी लिनुभएको छ।
What if you could work from Anywhere?
Explore More with something that can change your Life!
